فوتو: ينوسمي

ۇلىبريتانيا ەۋروپالىق وداقتان شىققان جاعدايدا ءوزىنىڭ مىندەتتەمەلەرىن ورىنداۋ ءۇشىن 36 ملرد فۋنت ستەرلينگ (40 ملرد ەۋرو نەمەسە 47 ملرد دوللار) تولەۋگە دايىن. بۇل تۋرالى ەلدەگى دەرەككوزدەرگە سىلتەمە جاساپ، Sunday Telegraph اگەنتتىگى حابارلاپ وتىر. 

RNS اگەنتتىگىنىڭ مالىمەتىنشە، بريۋسسەل ۇلىبريتانيا ورىنداۋى ءتيىس مىندەتتەمەلەردى 60 ملرد ەۋروعا باعالاعان. ال بريتان بيلىگى بولسا 30 ملرد ەۋرو كولەمىندەگى قارجى تولەنۋى ءتيىس دەپ ەسەپتەيدى.

جەرگىلىكتى شەنەۋنىكتەردىڭ سوزىنشە، اتالعان سومانى تولەۋ تۋرالى ۇسىنىس كەلىسسوز پروتسەسىندەگى تىعىرىقتان شىعۋدىڭ جالعىز جولى. ونىڭ ۇستىنە بريۋسسەل ساۋدا نوتالارىن قوسا العاندا"Brexit ەسەبىن" الداعى كەلىسىمدەردىڭ ءبىر بولىگى دەپ تانيتىن بولسا عانا ۇلىبريتانيا 36 ملرد فۋنت ستەرلينگتى تولەيدى.

ايتا كەتەيىك، ۇلىبريتانيانىڭ ەۋروپالىق وداقتان شىعۋ تۋرالى شەشىمى 2016 جىلدىڭ 23 ماۋسىمىندا ەلدە وتكەن رەفەرەندۋم كەزىندە قابىلدانعان. ال وسى جىلدىڭ 28 ناۋرىزىندا ۇلىبريتانيانىڭ پرەمەر-ءمينيسترى تەرەزا مەي  Brexit پروتسەدۋرالارىنىڭ ىسكە قوسىلعانى جونىندە ەو-عا ەسكەرتۋ حاتىنا قول قويعان. شارتتار بويىنشا كەلىسسوزدەر 2 جىلعا سوزىلادى.

“The Qazaq Times”