Foto: inftaiga.ru

AQŞ Reseyge sankciya salu arqılı sauda soğısın jariyaladı, dep jazdı Resey prem'er-ministri Dmitriy Medvedev öziniñ Facebook paraqşasında.

AQŞ prezidenti Donal'd Tramp Reseyge qarsı jaña sankciyalar saluğa baylanıstı qwjatqa qol qoyğannan keyin, RF prem'er-ministri Dmitriy Medvedev öziniñ Facebook  paraqşasında: «AQŞ prezidentiniñ Reseyge jañadan sankciya saluğa baylanıstı qwjatqa qol qoyuı Reseyge birneşe kedergiler tuğızadı. Birinşiden, Aqüy äkimşiligimen aradağı qarım-qatınastı jaqsartuğa degen ümit üzildi. Ekinşiden, Reseyge tolıqqandı sauda soğısı jariyalandı. Üşinşiden, Tramp äkimşiligi osı uaqıt aralığında barlıq atqaruşı bilikti Kongreske bere saluı arqılı öziniñ därmensizdigin körsetti. Bwl AQŞ-tağı sayasi küşterdiñ auısuına alıp keledi» - dep jazğan.

Bwdan bölek ol AQŞ-tıñ salğan sankciyaları qandayda bir tañğajayıp dünie bolıp ketpese, 10 jılğa deyin sozılatın boladı dedi.

Esteriñizge salayıq, bwğan deyin Kreml' AQŞ-tıñ Reseyge salğan jaña sankciyalarına eşqanday jauap qatpaytının mälimdegen bolatın.

“The Qazaq Times”