Foto: ca-news.org

Täjikstannıñ Wlttıq banki 1,3 jäne 5 somoniin monetağa auıstıradı. Bwl turalı eldiñ Wlttıq bankiniñ törağasınıñ orınbasarı  Djamoliddin Nuraliev mälimdegen. 

Onıñ sözinşe, 1,3 jäne 5 somonidiñ qağaz kupyuraları aynalımda köp jürgendikten keyde jaramsız bolıp qaladı.

Tipti osı jıldıñ basınan beri Täjikstanda qağaz aqşalardıñ eskirip ketuine baylanıstı 343 mln somoni aynalımnan şığarılğan. Onıñ işinde 41,9 millionı - 1 somoni kupyurası, 10,7 millionı - 3 somoni jäne 13,7 millionı - 5 somoni kupyuraları bolğan.

Sondıqtan mwnday qağaz aqşalardıñ ornına endi monetalar şığarıladı.

Täjikstan Wlttıq banki ökiliniñ sözinşe, eldiñ Jalpı işki önimi 24 mlrd 24 mln somonidi qwraydı, negizgi ösim - 6 payız. Ekonomikalıq ösimi öndiris önerkäsibi (21,3 payız) jäne agrarlıq sektor (6,4 payız) esebinen joğarılağan.

 “The Qazaq Times”