Фото: ca-news.org

Тәжікстанның Ұлттық банкі 1,3 және 5 сомониін монетаға ауыстырады. Бұл туралы елдің Ұлттық банкінің төрағасының орынбасары  Джамолиддин Нуралиев мәлімдеген. 

Оның сөзінше, 1,3 және 5 сомонидің қағаз купюралары айналымда көп жүргендіктен кейде жарамсыз болып қалады.

Тіпті осы жылдың басынан бері Тәжікстанда қағаз ақшалардың ескіріп кетуіне байланысты 343 млн сомони айналымнан шығарылған. Оның ішінде 41,9 миллионы - 1 сомони купюрасы, 10,7 миллионы - 3 сомони және 13,7 миллионы - 5 сомони купюралары болған.

Сондықтан мұндай қағаз ақшалардың орнына енді монеталар шығарылады.

Тәжікстан Ұлттық банкі өкілінің сөзінше, елдің Жалпы ішкі өнімі 24 млрд 24 млн сомониді құрайды, негізгі өсім - 6 пайыз. Экономикалық өсімі өндіріс өнеркәсібі (21,3 пайыз) және аграрлық сектор (6,4 пайыз) есебінен жоғарылаған.

 “The Qazaq Times”