Foto: Kapital.kz

Qazaqstan Auğanstan, Päkistan jäne Qıtayğa elektr energiyasın jetkizu mümkindigin qarastırıp jatır. Bwl turalı QR Energetika ministri Qanat Bozımbaev mälimdedi. 

Ministrdiñ sözinşe, Qıtay ülken narıq jäne vedomstvo birneşe jıldan beri osı elge energiya tasımaldau mümkindikterin qarastırğan.

"Ärine, qazirgi kezde bizde energiya beretindey eşbir baylanıs pen mümkindik joq, biraq bwl uaqıttıñ enşisinde. Biz Qıtayda äsirese Şıñjañ, Wyğır avtonomiyası audanında twtınuşılıqtıñ artıp kele jatqanın baqılap otırmız. Biz endi tığız jwmıs istep, mümkin elektr energiyasın eksporttaytın şığarmız", - dedi ministr.

Sonday-aq, ol Ortalıq Aziyağa energiya eksporttau tiimdi dep esepteydi. "Qazaqstan Auğanstan men Päkistanğa energiya tasımaldau jüyesin damıtudı közdeydi. Qazirgi kezde KEGOC energiya taratatın quattı bağıttı salıp jatır. Sonday-aq,  oñtüstikte elektr energiyasın damıtuğa arnalğan jobalar bolaşaqta eksportqa qosıluğa mümkindik beredi", - dedi energetika basşısı.

Ayta keteyik, qazirgi kezde Qazaqstan Resey men Qırğızstanğa elektr energiyasın tasımaldaydı.

“The Qazaq Times”