Foto: proved.rf

2017 jıldıñ birinşi jartıjıldığında Qazaqstandağı resmi dilerler 18 858 avtokölik satqan. Bwl 2016 jıldıñ osı kezeñine qarağanda 11,3%-ğa tömen, degenmen 2017 jıldıñ mausım ayındağı tabıs (4176 kölik satılımı) ötken jıldıñ mausımına qarağanda 12,6%-ğa joğarı bolıp otır. Bwl turalı "QazAvtoProm" habarladı. 

Säuir ayı men mausım aralığında Qazaqstannıñ avtokölik narığında soñğı eki jılğa qarağanda ösim bayqalğan. Ekinşi toqsannıñ nätijesi boyınşa respublikada 11 282 jeñil kölik satılğan jäne bwl ötken jıldıñ ekinşi toqsanındağı körstekişten 4,3%-ğa jäne osı jıldıñ 1 toqsanına qarağanda 49,1%-ğa joğarı.

Osı jıldıñ birinşi jartısı boyınşa qazaqstandıqtar jaña jeñil avtokölikterdi satıp aluğa 471,7 mln dollar jwmsağan jäne körsetkiş ötken jılğa qarağanda 30%%-ğa joğarı. Mausım ayında avtokölik narığı tağı 102,3 mln dollarmen tolıqtı.

Satılğan avtokölikterdiñ 12 799-ı (68%) import bolsa, 6059 satıp aluşı  (32%) qazaqstandıq avtozauıtta jasalğan kölikterdi satıp alğan.

Qazaqstandıqtar üşin swranısqa ie kölik Toyota: osı jıldıñ 6 ayında japondıq markanıñ 3949-ı satılğan. Al  Lada modeliniñ satılımı 3398 birlikti qwradı. Üşinşi orında Ravon, osı markalı 1293 kölik satılğan. Sonday-aq, eñ köp satılğan kölikterdiñ bestigin  Renault (1291 birlik) jäne KIA (1171 birlik) ayaqtaydı.

Jeñil kölikter modeliniñ satılımı boyınşa Toyota Camry sedan (1475 edinic), jol talğamaytın kölikterden  Lada 4x4 (1253) jäne Toyota Rav4 (789) köş bastap twr.

Al eseptik kezeñde jeñil kölikterdi satıp alu boyınşa aldıñğı orında twrğan öñir ädettegidey Almatı. Megapoliste 6 ayda 4675 kölik satılğan. Al odan keyin Astana (3754), Atırau (1285), Şımkent (1148), Qarağandı (1131), Qostanay (1111) twr.

“The Qazaq Times”