Jaña-Delidegi narazılıq şarasına qatısqan mwsılman äyelderi. Foto: Getty Images.

Ündistanda mwsılmandar keñ kölemdi şeruge şıqtı. Şeruge eldegi sayasi belsendiler, mäjilis ökilderi, öner jwldızdarı jäne jornalşılar da qatıstı äri narazılıq eldiñ birneşe iri qalalarında ötti. Olar äsireşil industerdiñ siırlardı qorğaudı sıltauratıp, mwsılmandarğa şabuıl jasauın ayıptadı. Bwl turalı «Pars» aqparat agenttigi saytında habarlap otır.

Narazılıq şerui eldiñ ortalıq qalası N'yu-Deliden tartıp, Kal'kutta, Heydarabad, Bombey, Batıs Bengal jäne özge de qalalarında wyımdastırıldı. Şara äsireşil ündisterdiñ mwsılmandarğa qaratqan qatigezdik äreketterine narazılıq retinde ötkizildi.

Şeruşiler qoldarına «Mwsılmandarğa qısım körsetudi toqtatıñdar!» degen är türli wrandardı köterip, Ündistan Konstituciyasında barlıq dinder men mazhabtarğa rwqsat etilgendigin eskertti. Sonımen birge azşılıq qauımnıñ qwqıqtarına qol swğuşılarğa ükimettiñ şara qoldanuın talap etti.

Ötken aptada ündi dininiñ äsireşil bir top ökilderi bir mwsılmanğa şabuıl jasağan bolatın. Nätijesinde şabuılğa wşırauşı mwsılman ayanıştı küyde öltirilgen. Bwl sol eldegi mwsılmandardıñ küşti narazılığın tudırdı.

“The Qazaq Times”