Foto: Metagarant.by

Qazaqstandıq jwmıskerler käsipodaq wyımdarına belsendi tirkeledi. Bwl turalı Ükimet otırısınıñ qorıtındısı boyınşa baspasöz konferenciyasında QR eñbek jäne halıqtı äleumettik qorğau vice-ministri Birjan Nwrımbetov habarladı.  

«Qazaqstanda käsipodaqtardıñ eki respublikalıq birlestigi bar, onda 3 mln astam jwmısker tirkelgen. Bwl elimizdiñ barlıq jaldamalı jwmıskerleriniñ şamamen 50%. Bwdan özge, 38 salalıq, 23 aumaqtıq jäne 404 jergilikti käsipodaq birlestigi bar», - dep mälimdedi vice-ministr.

QR Käsipodaqtar federaciyasınıñ törağası Äbilğazı Qwsayınov Federaciyada bügingi tañda 2 mln-ğa juıq jwmısker barın jetkizdi. Äsirese QR Eñbek kodeksi qabıldanğannan keyin jwmıskerler Federaciya qatarına belsendi qosıla bastağan. Jıl sayın olardıñ müşeleriniñ sanı 70 mıñğa deyin artıp keledi.

«Problemalı qwbılıstar bar jerlerde käsipodaqtar qwru qajet. Bwl eñ aldımen Eñbek kodeksine qatıstı barlıq mäseleler boyınşa öz-özin qorğay alatın wjım», - dep esepteydi Ä. Qwsayınov.

“The Qazaq Times”