Foto: akorda.kz

Belarus' Respublikasınıñ Prezidenti  Şanhay ıntımaqtastıq wyımınıñ sammitine jäne «Astana EKSPO-2017» düniejüzilik körmesiniñ aşıluına qatısu üşin Qazaqstanğa kelgen bolatın.

– Eki jarım jıl işinde tiisti infraqwrılımı bar twtas bir audan salındı. Körmege qatısuşılar üşin twrğın üyler, qonaq üy keşeni, kongress-hol jäne osı auqımdı is-şaranı ötkizuge qajetti basqa da ğimarattar boy köterdi. Körmeni ötkizgen soñ bwl jerde Astana halıqaralıq qarjı ortalığı jwmıs isteytin boladı, – dedi Nwrswltan Nazarbaev.

Qazaqstan Prezidenti halıqaralıq körmeniñ negizgi ideyasına toqtalıp, körmeniñ bastı nısanı – «Nwr Älem» pavil'onındağı ekspoziciyalar turalı ayttı.

Belarus' Respublikasınıñ Prezidenti Nwrswltan Nazarbaevqa halıqaralıq körmeniñ aşıluına qatısuğa şaqırğanı üşin rizaşılıq bildirdi.

– Biz pavil'ondardı aralap körip qana qoymay, sizderdiñ ekspoziciyalıq keşender qwrılısındağı täjiribeleriñizdi mwqiyat zerttemekpiz. Öytkeni biz de halıq şaruaşılığı jetistikteri körmesin wyımdastırudı josparlap otırmız, – dedi A.Lukaşenko.

Sonımen qatar, Belarus' Prezidenti Nwrswltan Nazarbaevtıñ tarihtı zertteude ädilettilikti qalpına keltiruge jete köñil böletinin atap ötti.

– Siz bwrınğı lager'diñ ornında «ALJIR» muzeyin aşuğa köp küş jwmsadıñız. Bwl lager'de bwrınğı Odaqtıñ tükpir-tükpirinen aydalıp kelgen adamdar qamaldı. Onıñ işinde Belarusiyadan kelgen äyelder de boldı. Bügin biz birqatar hattar men tağdırı lager'men baylanıstı adamdardıñ is qağazdarın ala keldik. Bwl – mañızdı qwjattar, – dedi A.Lukaşenko.

Kezdesu soñında memleketter basşıları ekijaqtı qatınastardı damıtudıñ özekti mäselelerin de talqıladı.

“The Qazaq Times”