Rober Marşan rekord ornatu sätinde. Foto: bbc.com

Francuz Rober Marşan esimdi qariya velesipedpen bir sağatta 22,5 şaqırım jol basıp, öz jasındağı kategoriya boyınşa rekord ornattı. Endi ol 105 jasqa deyingi velosportşılar arasındağı çempion.

Bwl ataqtı, yağni 100-105 jas aralığındağı sportşılar qatarındağı çempiondıqtı ol 2012 jıldan beri eşkimge bermey keledi.

«Men bwl jerge çempion bolu üşin kelgen joqpın, kerisinşe, 105 jastağı adam velesipedpen jüre alatının däleldegeli keldim» depti qarttıñ özi.

Ol bwdan da jaqsı nätije körsetetinine ümitti bolğan. Vleo jüristen keyin sportşı özin jaqsı sezinipti. Ayağı auırmağan, tek revmatizmnıñ äserinen qoldarı säl qaqsağan sekildi. 2012 jılı Marşan sağatına 26,9 şaqırım jol basıp, öz qatarlastarı arasınan ağalap şıqqan-dı.

Osığan oray, qart sportşı öziniñ bwrınğı formasında emes ekenine säl köñili tolmay qalıptı. Alayda, ol osı jasında velesipedpen zaulatıp jüruiniñ sebebin, dwrıs dietadan deydi.

Köbirek jemis-jidek jäne azdağan et jeudi, sonday-aq kofeni jii işudi aytqan. Ol är küni bir sağat velojattığu sapabında jattığu jasap twradı eken.

Marşan 1911 jılı tuılğan. Ol kezinde bokspen de aynalısıptı.

"The Qazaq Times"