Almatı qalasında Halıqaralıq biznes universiteti janınan "Pro gente" dep atalatın ekonomikalıq zertteu ortalığı aşıldı. "Pro gente"sözi bwl latın tilinen audarğanda el üşin, wlt üşin degen mağınanı bildiredi eken. Ortalıqtıñ jetekşisi Maqsat Halıqtıñ sözinşe, ortalıq eñ aldımen qazaq tilinde qızmet körsetetin boladı. 

"Bizdiñ negizgi qızmetimiz halıqtıñ, qoğamnıñ igiligine bağıttalatın boladı. Ekonomikalıq zertteu ortalıqtarı bizde bar ğoy, biraq olardıñ zertteu jwmıstarı negizinen orıs tilinde jariyalanıp jatadı, al qazaq tilinde ökinişke qaray joq bolıp keldi. Al memleketimizde ekonomikalıq jäne qarjılıq sauattılıq negizinen qazaq tildi ortağa kerek. Qarapayım ğana otbaslıq byudjetti qalıptastıru, kiris-şığıstı retteu, bankterden qalay tiimdi nesie aluğa boladı, qalay jinaqtarıñdı basqarıp, onı arttıruğa boladı degen siyaqtı taqırıptar töñireginde aqparttıñ jetispeuinen qoğamımızda äleumettik mañızı bar qiındıqtar bolıp otır. Sondıqtan osı aytılğan jağdaylar bwl ortalıqtı qwruıma türtki boldı", - deydi ekonomist Maqsat Halıq.

Onıñ aytuınşa, ortalıqtıñ negizgi maqsatı - qazaq tilinde ekonomikalıq zertteuler jasap, onday zertteuler jasay alatın jastardı dayındap, halıqtıñ qarjılıq sauattılığın arttıruğa üles qosu.

"Qazirgi tañda wlttıq ekonomikamızdıñ jaña modeli adami kapitalğa negizdelui kerek dep esepteymin. Sondıqtan ortalıqtı ğılımi zertteu bağıtında qwrıp otırmız. Alda josparlarımız köp. Molardıñ qatarında äleumettik-ekonomikalıq bağıtta irgeli jäne qoldanbalı zertteuler wyımdastıru, bilikti ğalımdar men mamandarmen birlese jwmıs istey otırıp, täjiribe jinaqtau, ortalıq müşelerin qajetti aqparattarmen qamtamasız ete otırıp, zertteu jwmıstarın jazudıñ jaña ädisterin üyretu siyaqtı josparlarımız bar", - deydi ortalıq jetekşisi.

“The Qazaq Times”