الماتى قالاسىندا حالىقارالىق بيزنەس ۋنيۆەرسيتەتى جانىنان "Pro gente" دەپ اتالاتىن ەكونوميكالىق زەرتتەۋ ورتالىعى اشىلدى. "Pro ءgente"سوزى بۇل لاتىن تىلىنەن اۋدارعاندا ەل ءۇشىن، ۇلت ءۇشىن دەگەن ماعىنانى بىلدىرەدى ەكەن. ورتالىقتىڭ جەتەكشىسى ماقسات حالىقتىڭ سوزىنشە، ورتالىق ەڭ الدىمەن قازاق تىلىندە قىزمەت كورسەتەتىن بولادى. 

ء"بىزدىڭ نەگىزگى قىزمەتىمىز حالىقتىڭ، قوعامنىڭ يگىلىگىنە باعىتتالاتىن بولادى. ەكونوميكالىق زەرتتەۋ ورتالىقتارى بىزدە بار عوي، بىراق ولاردىڭ زەرتتەۋ جۇمىستارى نەگىزىنەن ورىس تىلىندە جاريالانىپ جاتادى، ال قازاق تىلىندە وكىنىشكە قاراي جوق بولىپ كەلدى. ال مەملەكەتىمىزدە ەكونوميكالىق جانە قارجىلىق ساۋاتتىلىق نەگىزىنەن قازاق ءتىلدى ورتاعا كەرەك. قاراپايىم عانا وتباسلىق بيۋدجەتتى قالىپتاستىرۋ، كىرىس-شىعىستى رەتتەۋ، بانكتەردەن قالاي ءتيىمدى نەسيە الۋعا بولادى، قالاي جيناقتارىڭدى باسقارىپ، ونى ارتتىرۋعا بولادى دەگەن سياقتى تاقىرىپتار توڭىرەگىندە اقپارتتىڭ جەتىسپەۋىنەن قوعامىمىزدا الەۋمەتتىك ماڭىزى بار قيىندىقتار بولىپ وتىر. سوندىقتان وسى ايتىلعان جاعدايلار بۇل ورتالىقتى قۇرۋىما تۇرتكى بولدى", - دەيدى ەكونوميست ماقسات حالىق.

ونىڭ ايتۋىنشا، ورتالىقتىڭ نەگىزگى ماقساتى - قازاق تىلىندە ەكونوميكالىق زەرتتەۋلەر جاساپ، ونداي زەرتتەۋلەر جاساي الاتىن جاستاردى دايىنداپ، حالىقتىڭ قارجىلىق ساۋاتتىلىعىن ارتتىرۋعا ۇلەس قوسۋ.

"قازىرگى تاڭدا ۇلتتىق ەكونوميكامىزدىڭ جاڭا مودەلى ادامي كاپيتالعا نەگىزدەلۋى كەرەك دەپ ەسەپتەيمىن. سوندىقتان ورتالىقتى عىلىمي زەرتتەۋ باعىتىندا قۇرىپ وتىرمىز. الدا جوسپارلارىمىز كوپ. مولاردىڭ قاتارىندا الەۋمەتتىك-ەكونوميكالىق باعىتتا ىرگەلى جانە قولدانبالى زەرتتەۋلەر ۇيىمداستىرۋ، بىلىكتى عالىمدار مەن ماماندارمەن بىرلەسە جۇمىس ىستەي وتىرىپ، تاجىريبە جيناقتاۋ، ورتالىق مۇشەلەرىن قاجەتتى اقپاراتتارمەن قامتاماسىز ەتە وتىرىپ، زەرتتەۋ جۇمىستارىن جازۋدىڭ جاڭا ادىستەرىن ۇيرەتۋ سياقتى جوسپارلارىمىز بار", - دەيدى ورتالىق جەتەكشىسى.

“The Qazaq Times”