B-1B bombalauşı wşağı. Foto: The Wall Street Journal.

Düysenbi küni Soltüstik Koreyanıñ ballistikalıq zımıran sınağınan keyin, AQŞ äue küşteriniñ B-1B bombalauşı wşağı AQŞ-Koreya birlesken äskeri oqu-jattığuğa kelip qatıstı. Bwl osı aydağı ekinşi retki ötkizilip otırğan äskeri oqu-jattığu. AQŞ jaq Soltüstik Koreyanıñ zımıran sınağın auır äskeri arandatuşılıq dep sınğa alıp otır. Bwl turalı  “The Wall Street Journal” basılımı habarlaydı.

AQŞ Qorğanıs departamentiniñ mälimdemeşisi bwl retki oqu-jattığudı rastadı äri jattığudıñ eki Koreya şekara sızığına jaqın keñistikte ötip jatqanın mälimdedi. Alayda mälimdemeşi oqu-jattığudan işkeriley mälimet beruden bas tarttı. Bwl jattığudağı jüktelgen tapsırmanıñ ne ekenin aytudan AQŞ-tıñ Tınıq mwhit äskeri qolbasşılıq bas ştabı da bas tartıp otır.

Dese de, B-1B bombılauşı wşağı sekildi qauipti äskeri wşaqtardıñ Korey tübegine kelui soñğı on jılda bolmağan oqiğa. Bwl AQŞ Äue küşteriniñ aybını bolıp sanalatın wşaqtardıñ biri.

Al, Soltüstik Koreya bwl bombalauşı wşaqtardıñ Korey tübeginen wşıp ötkenin ayıptap otır. Biraq, bwl retki zımıran sınağı AQŞ-tıñ şımbayına qattı battı. Üş birdey alıp aviamatkasın jiberumen qatar, Tınıq mwhitında zımıranğa qarsı jüyeni sınaqtan da ötkizdi. B-1B bombalauşı wşağın da Soltüstik Koreyağa eskertu retinde alıp kelip otır.

“The Qazaq Times”