B-1B بومبالاۋشى ۇشاعى. فوتو: The Wall Street Journal.

دۇيسەنبى كۇنى سولتۇستىك كورەيانىڭ بالليستيكالىق زىمىران سىناعىنان كەيىن، اقش اۋە كۇشتەرىنىڭ B-1B بومبالاۋشى ۇشاعى اقش-كورەيا بىرلەسكەن اسكەري وقۋ-جاتتىعۋعا كەلىپ قاتىستى. بۇل وسى ايداعى ەكىنشى رەتكى وتكىزىلىپ وتىرعان اسكەري وقۋ-جاتتىعۋ. اقش جاق سولتۇستىك كورەيانىڭ زىمىران سىناعىن اۋىر اسكەري ارانداتۋشىلىق دەپ سىنعا الىپ وتىر. بۇل تۋرالى  “The Wall Street Journal” باسىلىمى حابارلايدى.

اقش قورعانىس دەپارتامەنتىنىڭ مالىمدەمەشىسى بۇل رەتكى وقۋ-جاتتىعۋدى راستادى ءارى جاتتىعۋدىڭ ەكى كورەيا شەكارا سىزىعىنا جاقىن كەڭىستىكتە ءوتىپ جاتقانىن مالىمدەدى. الايدا مالىمدەمەشى وقۋ-جاتتىعۋدان ىشكەرىلەي مالىمەت بەرۋدەن باس تارتتى. بۇل جاتتىعۋداعى جۇكتەلگەن تاپسىرمانىڭ نە ەكەنىن ايتۋدان اقش-تىڭ تىنىق مۇحيت اسكەري قولباسشىلىق باس شتابى دا باس تارتىپ وتىر.

دەسە دە، B-1B بومبىلاۋشى ۇشاعى سەكىلدى قاۋىپتى اسكەري ۇشاقتاردىڭ كورەي تۇبەگىنە كەلۋى سوڭعى ون جىلدا بولماعان وقيعا. بۇل اقش اۋە كۇشتەرىنىڭ ايبىنى بولىپ سانالاتىن ۇشاقتاردىڭ ءبىرى.

ال، سولتۇستىك كورەيا بۇل بومبالاۋشى ۇشاقتاردىڭ كورەي تۇبەگىنەن ۇشىپ وتكەنىن ايىپتاپ وتىر. بىراق، بۇل رەتكى زىمىران سىناعى اقش-تىڭ شىمبايىنا قاتتى باتتى. ءۇش بىردەي الىپ اۆياماتكاسىن جىبەرۋمەن قاتار، تىنىق مۇحيتىندا زىمىرانعا قارسى جۇيەنى سىناقتان دا وتكىزدى. B-1B بومبالاۋشى ۇشاعىن دا سولتۇستىك كورەياعا ەسكەرتۋ رەتىندە الىپ كەلىپ وتىر.

“The Qazaq Times”