Foto: ParsToday

"Fars" aqparattıq agenttiginiñ habarlauınşa Irannıñ Ortalıq banki: «Irandıq jäne reseylik azamattar 2017 jıldıñ tamız ayınan bastap, Iran men Reseydiñ bankomattarınan ortaq paydalana aladı» dep mälimdegen.

Irannıñ Ortalıq banki Iran men Reseydiñ bank kartoçkalarınıñ eki eldiñ bank salasındağı baylanıstarı keñeyuiniñ jalğasında halıqaralıq deñgeyde qosılğanın habarladı.

Iran men Resey arasında birneşe ayğa sozılğan kelissözderden keyin Iran islam respublikasınıñ kartoçka qwrılğısın Reseydiñ kartoçka qwrılğısına qosu üşin jasalan kelisimnen keyin sınaq türdegi aqşa jöneltimderi mamır ayınıñ 15-nen bastaldı.

Iran men Reseydiñ bank kartoçkalarınıñ baylanısı Irannıñ türli aymaqtarında turizm mümkindikterin keñeytumen qosa irandıq, Resey jäne TMD elderiniñ sayahatşılar üşin edäuir jeñildik qalıptastıradı.

Batıs elderinen ärdayım oqşaulanıp twratın Irannıñ Reseymen jaqındasuı bwrınnan jalğasıp kele jatqan dästür degenimizben soñğı kezderdegi geosayasi jağdaylar, ekonomikalıq sankciyalar atalğan eki eldi tipten jaqındastırıp baradı.

“The Qazaq Times”