Фото: ParsToday

"Фарс" ақпараттық агенттігінің хабарлауынша Иранның Орталық банкі: «Ирандық және ресейлік азаматтар 2017 жылдың тамыз айынан бастап, Иран мен Ресейдің банкоматтарынан ортақ пайдалана алады» деп мәлімдеген.

Иранның Орталық банкі Иран мен Ресейдің банк карточкаларының екі елдің банк саласындағы байланыстары кеңеюінің жалғасында халықаралық деңгейде қосылғанын хабарлады.

Иран мен Ресей арасында бірнеше айға созылған келіссөздерден кейін Иран ислам республикасының карточка құрылғысын Ресейдің карточка құрылғысына қосу үшін жасалан келісімнен кейін сынақ түрдегі ақша жөнелтімдері мамыр айының 15-нен басталды.

Иран мен Ресейдің банк карточкаларының байланысы Иранның түрлі аймақтарында туризм мүмкіндіктерін кеңейтумен қоса ирандық, Ресей және ТМД елдерінің саяхатшылар үшін едәуір жеңілдік қалыптастырады.

Батыс елдерінен әрдайым оқшауланып тұратын Иранның Ресеймен жақындасуы бұрыннан жалғасып келе жатқан дәстүр дегенімізбен соңғы кездердегі геосаяси жағдайлар, экономикалық санкциялар аталған екі елді тіптен жақындастырып барады.

“The Qazaq Times”