Foto: Slate.com

Särsenbi küni Resey prezidenti Putin ötken aptadağı Tramp pen Resey sırtqı ister ministri kezdesu barısında mañızdı qwpiyalıqtardıñ aytılğanı turalı aqparattı teriske şığardı. Osıdan bwrın «Uaşington Post» basılımında Tramp Resey ökiline AQŞ-tıñ mañızdı qwpiyalığın jayıp saldı degen taqırıpta maqala jariyalap, Qwrama Ştatta küşti añıs tudırğan bolatın.

“The Wall Street Journal” basılımınıñ habarlauınşa, Qazirgi kezde Trampqa Uaşington tarapınan jasalatın qısımdar barğan sayın artuda. Ötken aptada Tramp prezident keñsesinde Resey SİM basşısı Sergey Lavrov pen Reseydiñ AQŞ-ta twratın bas elşisi Sergey Kislyakti qabıldağan bolatın. Terrorizmge qarsı twrudıñ birlesken jobaları turalı äñgimede Tramp AQŞ-tıñ şeteldegi aqpar jinauşı agentterin äşkereleytin qwpiyalıqtar turalı ayttı degen ayıp bar.

Resey basşısınıñ keşegi sözinde Tramptı aqtay söylegeni bayqaladı. Ol Sergey Lavrov AQŞ prezidentimen kezdeskennen keyin Resey barlau agentterine nemese organdarına ayta qoyarlıq eşqanday qwpiyalıqqa ie bolmağanın ayttı. Tipti ol sözinde: «Eger Tramp mırza kelisetin bolsa, Kreml' kezdesu barısınıñ jazbaşa nwsqasın jariyalay aladı», – dedi.

“The Qazaq Times”