پۋتين ترامپتى قورعاشتادى

سارسەنبى كۇنى رەسەي پرەزيدەنتى پۋتين وتكەن اپتاداعى ترامپ پەن رەسەي سىرتقى ىستەر ءمينيسترى كەزدەسۋ بارىسىندا ماڭىزدى قۇپيالىقتاردىڭ ايتىلعانى تۋرالى اقپاراتتى تەرىسكە شىعاردى. وسىدان بۇرىن «ۋاشينگتون پوست» باسىلىمىندا ترامپ رەسەي وكىلىنە اقش-تىڭ ماڭىزدى قۇپيالىعىن جايىپ سالدى دەگەن تاقىرىپتا ماقالا جاريالاپ، قۇراما شتاتتا كۇشتى اڭىس تۋدىرعان بولاتىن.

“The Wall Street Journal” باسىلىمىنىڭ حابارلاۋىنشا، قازىرگى كەزدە ترامپقا ۋاشينگتون تاراپىنان جاسالاتىن قىسىمدار بارعان سايىن ارتۋدا. وتكەن اپتادا ترامپ پرەزيدەنت كەڭسەسىندە رەسەي ءسىم باسشىسى سەرگەي لاۆروۆ پەن رەسەيدىڭ اقش-تا تۇراتىن باس ەلشىسى سەرگەي كيسلياكتى قابىلداعان بولاتىن. تەرروريزمگە قارسى تۇرۋدىڭ بىرلەسكەن جوبالارى تۋرالى اڭگىمەدە ترامپ اقش-تىڭ شەتەلدەگى اقپار جيناۋشى اگەنتتەرىن اشكەرەلەيتىن قۇپيالىقتار تۋرالى ايتتى دەگەن ايىپ بار.

رەسەي باسشىسىنىڭ كەشەگى سوزىندە ترامپتى اقتاي سويلەگەنى بايقالادى. ول سەرگەي لاۆروۆ اقش پرەزيدەنتىمەن كەزدەسكەننەن كەيىن رەسەي بارلاۋ اگەنتتەرىنە نەمەسە ورگاندارىنا ايتا قويارلىق ەشقانداي قۇپيالىققا يە بولماعانىن ايتتى. ءتىپتى ول سوزىندە: «ەگەر ترامپ مىرزا كەلىسەتىن بولسا، كرەمل كەزدەسۋ بارىسىنىڭ جازباشا نۇسقاسىن جاريالاي الادى»، – دەدى.

“The Qazaq Times”