Zebak aymağındağı şayqas alañı. Foto: centralasian.org

Auğanstannıñ ükimet äskeri eldiñ soltüstik-şığısındağı strategiyalıq mañızdı Zebak uezine qaytadan bilik ornattı. Bwl turalı Badahşan provinciyası äkimşiliginiñ baspasöz qızmetine silteme jasap, centralasian.org habarladı.

Auğandıq Badahşan biliginiñ mälimdeuinşe, ükimet äskeri bwl aymaqta 100-den astam sodırdıñ közin joyğan. Uezdi azat etu operaciyasın general Jalal YAftali basqardı, al onıñ qasında Badahşan provinciyasınıñ basşısı men Auğanstan qorğanıs ministriniñ orınbasarı boldı.

Oñtüstiginde - Päkistanmen şekaralas, soltüstiginde - Täjikstanğa aparar jolda ornalasqan strategiyalıq mañızdı Zebak uezin "Taliban" qozğalısınıñ sodırları eki apta bwrın, 28 säuirde basıp alğan edi. Sodırlar Işkaşimdi de bağındıruğa talpındı, biraq olardıñ bwl äreketinen tük şıqpadı.

qazaqtimes.com