AQŞ Auğanstandağı äskeriniñ sanın köbeytpek dep habarlaydı Radio Svoboda aqparat közi.

AQŞ-tıñ qorğanıs ministrligi Auğanstanğa 5 mıñ äsker jiberudi josparlap otır. Osığan baylanıstı aldağı aptadı Pentagon AQŞ prezidenti Donal'd Trampqa Auğanstandağı AQŞ-tıñ jaña äskeri operaciyası jönindegi qwjattı wsınbaq.

Qazirgi tañda Auğanstanda Taliban qozğalısı men auğan äskeriniñ küşi teñ jağdayda. Sol sebepti AQŞ Auğanstan äskerin oqu-jattığudan ötkizuge kömektesu maqsatında el aumağındağı öz äskeriniñ sanın köbeytpek. Biraq bwl jağdayğa baylanıstı AQŞ Kongressi äzirge eşqanday pikir bildirgen joq.

AQŞ äskeriniñ Auğanstan aumağına eñ köp kelgen uaqıtı 2011 jıl. Ol kezde auğan jerinde Pentagonnıñ 100 mıñğa juıq äskeri bolğan. Qazir olardıñ sanı 8 mıñ. AQŞ Auğanstanğa 2001 jıldıñ 11 qırküyeginde N'yu-York qalasında ornalasqan bükil älemdik sauda ortalığına jasalğan lañkestik şabuıldan keyin äskerin kirgizgen bolatın.

"The Qazaq Times"