Ukraina Prezidenti Vladimir Zelenskiy Foto: Reuters

Ukraina Prezidenti Vladimir Zelenskiy soñğı künderi qarqındı diplomatiyalıq saparların ayaqtap, Kievke oraldı. Onıñ AQŞ pen Europadağı kezdesuleri Ukraina üşin mañızdı sätterdiñ biri boldı. Alayda, bwl sapar oğan ärtürli reakciyalar äkeldi.

Vaşingtondağı şielenis

Zelenskiy Vaşingtonğa saparı kezinde  AQŞ prezidenti Donal'd Tramp pen senator Djey Di Venspen şieleniske tüsti. Aq üyde bolğan kelissözder barısında Zelenskiy men AQŞ ökilderi arasında pikirtalas küşeyip, ol kezdesuden keyin birden ketuge mäjbür boldı.

Bwl oqiğa AQŞ-tıñ Ukrainağa qatıstı sayasatında özgerister orın alıp jatqanın körsetti. Zelenskiy öz mälimdemesinde "AQŞ pen Ukraina özara senimdilik pen aşıqtıq negizinde äriptestigin jalğastıruı tiis" dep atap ötti. Degenmen, Tramptıñ jaqtastarı Zelenskiydiñ sayasatın sınğa alıp, AQŞ-tıñ qoldauı kümän tudıratının mälimdedi.

Londondağı qoldau

AQŞ-tağı şieleniske qaramastan, Zelenskiy Londondağı kezdesulerinde jılı qabıldau taptı. Onı Wlıbritaniya Prem'er-ministri Kiir Starmer qarsı alıp, ekeui qauipsizdik mäselelerin talqıladı. Sonday-aq, Zelenskiy Wlıbritaniya koroli İİİ Çarl'zben kezdesip, qoldau taptı.

Londonda ötken Europa sammitinde Zelenskiyge aytarlıqtay qoldau körsetildi. Kiir Starmer Europalıq odaq elderi "Ukrainanı qorğauğa dayın memleketter koaliciyasın" qwruğa nietti ekenin jetkizdi. Alayda, naqtı qanday elder qanday kömek körsetetini jaylı tolıq aqparat berilmedi.

Wlıbritaniyanıñ Prem'er-ministri Kiir Starmer, Ukraina prezidenti Vladimir Zelenskiy

 

Europanıñ reakciyası

AQŞ-tağı kelispeuşilikterge qaramastan, Europa elderi Zelenskiyge qoldau körsetuin jalğastıruda.

  • Skandinaviya elderi Ukrainağa qauipsizdik kepildikterin beruge dayın ekenin mälimdedi.
  • Italiya AQŞ-tıñ qatısuınsız Ukrainağa äsker jiberu mäselesine saqtıqpen qaraytının ayttı.
  • Pol'şa Ukrainanı äskeri jäne gumanitarlıq twrğıda qolday beretinin, biraq äsker jiberuge nietti emes ekenin mälimdedi.

Makronnıñ bitimgerlik josparı

Franciya Prezidenti Emmanuel' Makron men Kiir Starmer Resey men Ukraina arasındağı uaqıtşa bitimgerlik turalı bastama köterdi. Wsınıs boyınşa, äue jäne teñiz aymaqtarında tört aptalıq uaqıtşa toqtam engizu wsınıldı. Degenmen, Wlıbritaniya Qorğanıs ministrligi bwl jospar boyınşa äli naqtı kelisim jasalmağanın mälimdedi.

 

Reseydiñ jauabı

Resey tarapı bwl kelissözderge skeptikalıq közqaraspen qaradı. Resey Sırtqı ister ministrliginiñ ökili Mariya Zaharova Zelenskiydiñ "soğıstı sozuğa äues ekenin" mälimdedi. Al Kreml'diñ resmi ökili Dmitriy Peskov London sammitin "soğıs qimıldarın jalğastıruğa bağıttalğan" dep bağaladı.

Zelenskiydiñ soñğı saparları Ukrainağa halıqaralıq qoldaudıñ äli de bar ekenin körsetkenimen, AQŞ-pen qarım-qatınasta belgili bir qiındıqtar tuındap otırğanı bayqaladı. Europa elderi Ukrainağa kömek körsetudi jalğastırğanımen, naqtı äreketter men kelisimder äli naqtılanbağan.

Aldağı künderi Bryussel'de ötetin qorğanıs mäselelerine arnalğan arnayı sammitte Europa elderi Ukrainağa qatıstı naqtı josparların wsınuı mümkin.

The Qazaq Times