Ukraina prezidenti Vladimir Zelenskiy men AQŞ prezidenti Donal'd Tramp

Ukraina prezidenti Vladimir Zelenskiy men AQŞ prezidenti Donal'd Tramptıñ Aq üydegi kezdesui kütpegen jağdaymen ayaqtaldı. Kezdesu barısında eki köşbasşı arasındağı pikirtalas qızu tartısqa wlasıp, Zelenskiy kezdesudi merziminen bwrın ayaqtldı.

Tramp pen Zelenskiy arasındağı pikirtalas

Aqparat közderine süyensek, Tramp Ukrainağa körsetilip jatqan AQŞ-tıñ qoldauın erekşe atap ötti. Ol AQŞ-tıñ Kievke bwrınğı prezident äkimşiligi kezinde 350 milliard dollar köleminde qarjılay jäne äskeri kömek körsetkenin ayttı. Sonımen qatar, Tramp Ukrainadağı soğıstıñ AQŞ-tıñ äskeri tehnikasınıñ arqasında äli jalğasıp jatqanın, eger bwl qoldau bolmağanda, soğıs "eki aptanıñ işinde ayaqtalar edi" dedi.

Zelenskiy bwl pikirmen kelispey, AQŞ-tıñ kömegin bağalaytının, biraq Europanıñ da Ukrainanı aytarlıqtay qoldap otırğanın ayttı. Ol Tramptı Resey prezidenti Vladimir Putinmen "kelisimge kelmeuge" şaqırıp, "qolın qanğa malğan qılmıskermen ımırağa kelu mümkin emes" dedi.

Kezdesu kütpegen jerden üzildi

Kezdesuge qatısqan AQŞ-tıñ vice-prezidenti Djey Di Vens Zelenskiydi "AQŞ-qa qwrmet körsetpedi" dep ayıptadı. Tramp ta Ukraina prezidentin "jetkilikti alğıs bildirmedi" dep sınap, "Bwl teledidar üşin keremet körinis boladı" dep mısqıldadı.

Osı "janjaldan" keyin Zelenskiy Aq üyden josparlanğan uaqıttan bwrın ketip qaldı. Osığan baylanıstı onıñ AQŞ-pen mañızdı ekonomikalıq kelisimderge qol qoyu räsimi, sonıñ işinde Ukrainadağı paydalı qazbalardı igeru jönindegi kelisim, keyinge qaldırıldı.

Zelenskiydiñ aldağı josparları

Habarlarğa qarağanda, Zelenskiy AQŞ-tan keyin Wlıbritaniyağa barıp, Europalıq odaq elderiniñ basşılarımen kezdesudi josparlap otır. Bwl kezdesuler Ukrainağa körsetiletin kömekti jalğastıru mäselelerin talqılauğa arnalmaq.

AQŞ pen Ukraina arasındağı bwl oqiğa Vaşingtonnıñ Kievke bolaşaqta qanday qoldau körsetetinine äser etui mümkin. Tramptıñ sırtqı sayasattağı közqarastarı men Ukrainağa qatıstı wstanımı aldağı uaqıtta eki el arasındağı qarım-qatınastıñ qalay damitının anıqtaytın faktorlardıñ biri bolmaq.

AQŞ pen Ukraina arasındağı sirek kezdesetin metaldar jönindegi kelisim keyinge qaldırıldı

AQŞ pen Ukraina arasında sirek kezdesetin metaldardı igeru jönindegi mañızdı kelisimge qol qoyu keyinge şegerildi. Bwl turalı Reuters agenttigine Aq üydiñ joğarı lauazımdı ökili habarladı.

Kelisimniñ keyinge qaldırıluına Ukraina prezidenti Vladimir Zelenskiy men AQŞ prezidenti Donal'd Tramp arasındağı Aq üydegi şielenisti kezdesu sebep bolğan. Alayda, Aq üy ökiliniñ aytuınşa, qwjatqa qol qoyu mümkindigi äli de bar, öytkeni Zelenskiy AQŞ aumağınan şıqqan joq.

Bwl kelisim AQŞ pen Ukrainanıñ strategiyalıq äriptestigin nığaytuğa jäne Ukrainadağı sirek kezdesetin metaldardı igeru boyınşa ıntımaqtastıqtı keñeytuge bağıttalğan. Mwnday resurstar – elektronika, qorğanıs önerkäsibi jäne joğarı tehnologiyalıq öndirister üşin asa mañızdı elementter.

Alayda, Zelenskiy men Tramp arasındağı ötkir pikirtalas bwl kelissözderdiñ bolaşağına äser etui mümkin. Äzirge AQŞ-tıñ aldağı şeşimi Tramp äkimşiliginiñ Ukrainamen qarım-qatınastı qanday bağıtta jalğastıratını belgisiz.