Bügin, 6 qırküyekte Resey äskeri Doneck oblısı Konstantinovka qalasındağı bazarğa artilleriyamen şabuıldap, kemi 16 adam qaza taptı. Bwl turalı Azattıqtıñ Ukraina qızmeti habarladı.

Bwdan bölek, jergilikti bilik 28 adamnıñ zardap şekkenin aytadı. Al Ukraina prezidenti Vladimir Zelenskiy şabuıldan qaza tapqandar sanı ösui mümkin ekenin mälimdedi.

"Reseylik terroristerdiñ artilleriyası Doneck oblısı Konstantinovka qalasında 16 adamdı öltirdi. Qarapayım bazar, dükender, därihana. Jazıqsız adamdar. Jaralanğandar köp. Ökinişke qaray, qaza tapqandar men jaralanğandardıñ sanı ösui mümkin" dedi Zelenskiy.

Ukraina prem'er ministri Denis Şmıgal' qaza tapqandardıñ biri bala dep habarladı.

Reseydiñ kremlşil telegram kanaldarı "Konstantinovka qalasında Oñtüstik-Sahalindik 38-äskeri korpusı şabuıldap, janar-jağarmay saqtalğan qoyma joyıldı" deydi.