Prezident Toqaevtıñ jarlığımen Şığıs Qazaqstan oblısın wzaq jıl basqarğan Danial Ahmetov qızmetinen bosatıldı. 69 jasqa toğan eks äkim oblıstı 9 jıl basqarğan. Bwl jöninde Aqorda baspasöz qızmeti habarladı.

2014 jıldan beri Şığıs Qazaqstan oblısın basqarıp kele jatqan Danial Ahmetovtiñ ökilettik merzimi 15 mausımda ayaqtalğan.

Danial Ahmetov 2012-2014 jıldarı energetika jäne infraqwrılım ministri, 2007-2009 jılı qorğanıs ministri, 2003-2007 jıldarı prem'er-ministr bolğan. 2017 jılı zeynetke şıqqan. Biraq sol kezdegi prezident Nazarbaev Ahmetovtiñ qwzıretin 2022 jılğa deyin wzartqan. Bıltır jeltoqsanda Toqaev onı ŞQO äkimi qızmetinde qaldırğan.

Ahmetov memlekettik basqaru apparatınıñ ardagerleriniñ biri. Ol soñğı uaqıttarı wlı men oğan jaqın käsipkerlerdiñ biznesine qatıstı dauğa ilikken. Biraq ol daudıñ barlığın jaqında «Obojayu» yutub arnasınıñ jurnalisi Ashat Niyazovqa bergen swhbatında teristegen.

Bwdan bölek, däl osı swhbatta Ahmetov 2022 jılğı Qañtar oqiğasında Öskemen qalasın bülik pen tonaudan aman alıp qalğanın aytıp, alañğa şıqqan halıqtı maskünem dep atağan.

Bügin Danial Ahmetovtiñ ornına ŞQO äkimi bolıp Ermek Köşerbaev tağayındaldı. Ol bwğan deyin Qazaqstannıñ Reseydegi elşisi qızmetin atqarğan.