پرەزيدەنت توقاەۆتىڭ جارلىعىمەن شىعىس قازاقستان وبلىسىن ۇزاق جىل باسقارعان دانيال احمەتوۆ قىزمەتىنەن بوساتىلدى. 69 جاسقا توعان ەكس اكىم وبلىستى 9 جىل باسقارعان. بۇل جونىندە اقوردا ءباسپاسوز قىزمەتى حابارلادى.

2014 جىلدان بەرى شىعىس قازاقستان وبلىسىن باسقارىپ كەلە جاتقان دانيال احمەتوۆتىڭ وكىلەتتىك مەرزىمى 15 ماۋسىمدا اياقتالعان.

دانيال احمەتوۆ 2012-2014 جىلدارى ەنەرگەتيكا جانە ينفراقۇرىلىم ءمينيسترى، 2007-2009 جىلى قورعانىس ءمينيسترى، 2003-2007 جىلدارى پرەمەر-مينيستر بولعان. 2017 جىلى زەينەتكە شىققان. بىراق سول كەزدەگى پرەزيدەنت نازارباەۆ احمەتوۆتىڭ قۇزىرەتىن 2022 جىلعا دەيىن ۇزارتقان. بىلتىر جەلتوقساندا توقاەۆ ونى شقو اكىمى قىزمەتىندە قالدىرعان.

احمەتوۆ مەملەكەتتىك باسقارۋ اپپاراتىنىڭ ارداگەرلەرىنىڭ ءبىرى. ول سوڭعى ۋاقىتتارى ۇلى مەن وعان جاقىن كاسىپكەرلەردىڭ بيزنەسىنە قاتىستى داۋعا ىلىككەن. بىراق ول داۋدىڭ بارلىعىن جاقىندا «وبوجايۋ» يۋتۋب ارناسىنىڭ ءجۋرناليسى اسحات نيازوۆقا بەرگەن سۇحباتىندا تەرىستەگەن.

بۇدان بولەك، ءدال وسى سۇحباتتا احمەتوۆ 2022 جىلعى قاڭتار وقيعاسىندا وسكەمەن قالاسىن بۇلىك پەن توناۋدان امان الىپ قالعانىن ايتىپ، الاڭعا شىققان حالىقتى ماسكۇنەم دەپ اتاعان.

بۇگىن دانيال احمەتوۆتىڭ ورنىنا شقو اكىمى بولىپ ەرمەك كوشەرباەۆ تاعايىندالدى. ول بۇعان دەيىن قازاقستاننىڭ رەسەيدەگى ەلشىسى قىزمەتىن اتقارعان.