28 säuirde ötken sot otırısında sud'ya Qadirbek Nwrjan küdiktilerdiñ barlığın kinäli dep tanıp, Jaqsılıq Abdullaevtı 5 jılğa, Nwrahan Mahatov pen Aybol Sağıntaydı 6 jılğa, Erbol Jwmanovtı 16 jılğa bas bostandığınan ayıru jazasına kesti. Qanat Nwrahanwlı, Ermahan Saylauov, Däuren Nwräliev, Dosmwhammed Sadıqov, Salamat Qosanovtı raqımşılıq zañın qoldanıp, sot zalınan bosattı.

Sud'ya ükimdi oqıp jatqan uaqıtta Erbol Jwmanov sottıñ ädiletsiz ötkenin, sottı tıñdaudıñ qajeti joğın aytıp, «Toqaev eşnärse özgertken joq» dep ayqayladı.

– Ädil bağasın beremin degen. Aqiqat osı ma? Tıñdamay aq qoyıñdar onı (sud'yanı – red). «Ädil bağasın beremin, şındıqtı aytamın» degen. Qane şındığı? Barlığı komitetten (Wlttıq qauipsizdik komitetinen – red) qorqadı. Tükte özgertken joq Toqaev. Soğan senip jürgen biz aqımaqpız. 1986 jılı da (halıq – red) qırıldı. Ne üşin qırıldı? Ne üşin? Jalğız özim qırıq adamğa qırıp ketetin bolsam bwlar erteñ qalay otan qorğaydı? Qalay qorıqpaysızdar? Erteñ senderdiñ de tuıstarıña osını isteydi. Bwlar bir-birimen atısqandarın, rezonans bolatın bilip twr. Ayta almaydı, – dedi Jwmanov sot zalında.

Erbol Jwmanovtı küzet qol-ayağınan basıp wstap, azamattıq kiimdegi adam basu ayttı. Biraq ol qarsılığın toqtatpadı.

– Türmede öluim kerek bolsa dayınmın. Tek mına bassızdıq toqtasın. Qinap jatır, wrıp jatır, qanşa qabırğamdı sındırdı. Sonıñ bireuin aytpay otırmız... Bwlarğa qan kerek. Bwl jolı bir-eki adam ketermiz. Kelesi jolı bwlar qanşa adamdı sottaydı. Toqtamaydı bwlar, – dedi ol.

Jwmanov qarsılığın toqtatpağan soñ sud'ya Qadirbek Nwrjan sot ükimin tüsindirudi ayağına deyin jalğastırmay, sottı jabıq dep jariyaladı. Process ayaqtalğan soñ sottaluşılardıñ tuıstarı wzaq uaqıtqa deyin dalada ketpey twrdı. Keybiri medicinalıq kömekke jügindi.

Bes jılğa sottalğan Jaqsılıq Abdullaevtıñ äyeli Äsem Şamşaeva sot ükimimen kelispeytinin ayttı. Ol aldağı uaqıtta apellyaciyalıq şığım tüsiretinin jetkizdi.

– Küyeuim eşnärse wyımdastırğan joq. Apellyaciyağa beremin. Tübine bäribir jetemin. Bäribir şığarıp alamın. Jäy ğana mitingke şıqqanı üşin wyımdastıruşı dep bes jılğa sottap jiberdi. Basqa eşnärse aytpaymın,– dedi jılap otırıp Şamşaeva.

7 säuirde ötken sot otırısında ayıptauşı prokuror Aybol Sağıntaydı 7 jılğa, Däuren Nwrälievti 6 jılğa, Erbol Jwmanovtı 20 jılğa, Jaqsılıq Abdullaevtı 7 jılğa, Nwrahan Mahatovtı 7 jılğa, Qanat Nwrahanwlın 7 jılğa bas bostandığınan ayıru jazasına kesudi swrağan. Al Salamat Qosanov pen Dosmwhambet Sadıqovtı 5 jılğa, Ermahan Saylauovtı 6 jılğa sottap, raqımşılıq zañına say sot zalınan bosatudı swrağan.

İs boyınşa ayıptalğan toğız adam bwğan deyin bir-birin tanımağan. Olarğa «Jappay tärtipsizdik wyımdastıru», «Qarudı, oq-därilerdi jımqıru», «Qwqıq qorğau organı, arnaulı memlekettik organ qızmetkeriniñ, äskeri qızmetşiniñ ömirine qolswğuşılıq» jäne t b baptar boyınşa ayıp tağılğan. Sot barısında küdiktilerdiñ keybiri tağılğan ayıppen kelispese, endi biri işinara kelisken.