10 säuirde ötken sot otırısında Janbolat Mamayğa ükim oqıldı. Sud'ya Elena Kvan onı kinäli dep tanıp, 6 jılğa şarttı jazağa kesti jäne jurnalistikamen, qoğamdıq-sayasi wyımdardıñ jwmısına aralasuğa, äleumettik jelilerdi paydalanuğa tıyım saldı. Ol jaza merzimi ayaqtalğanğa deyin probaciyalıq baqılauda boladı.

Janbolat Mamaydıñ özi sot şeşimimen kelispeytinin, istiñ sayasi astarı barın, aldağı uaqıtta apellyaciyalıq şağım tüsiretinin ayttı.

Tirkelmegen «Demokratiyalıq partiya» qwru bastamaşıl tobınıñ jetekşisi, oppoziciyalıq sayasatker Janbolat Mamayğa Qañtar oqiğası kezinde «jappay tärtipsizdik wyımdastıru», «jalğan aqparat taratu», «bilik ökiline til tigizu» baptarı boyınşa ayıp tağılğan.

6 säuirde Mamay özine tağılğan ayıptarmen kelispey, «sotta men emes, eldi 30 jıl tonağandar jauap berui tiis edi. «Bas kespek bolsa da, til kespek joq», sizder zañdı paydalanıp meniñ tilimdi kesip otırsızdar. Bwl meniñ soñğı sözim emes» degen.