2023 jıldıñ basınan beri 3 mıñnan astam qazaq qandas märtebesin alğan. Bwl aqparattı eñbek jäne halıqtı äleumettik qorğau ministrliginiñ baspasöz qızmeti jariyaladı, -dep jazdı Ortalıq Aziya jañalıqtar qızmeti.

Vedomstvonıñ aqparatına qarağanda, 2023 jılğı 1 qañtardan 1 naurızğa deyingi aralıqta 3134 qazaq tarihi otanına oralıp, qandas märtebesin alğan.

Qandastardıñ jartısınan astamı Özbekstannan kelgen. 16,3 payızı Qıtaydan, 15,9 payızı Reseyden, 8,4 payızı Türkimenstannan, 4,5 payızı Monğoliyadan, 4,9 payızı özge de elderden kelgen.

Qandastar, negizinen, Almatı oblısına (27 payız), Mañğıstau (16,6 payız), Türkistan (7,1 payız), Jambıl (3,6 payız) oblıstarına jäne Astana (10,5 payız), Almatı (7,6 payız), Şımkent (6,5 payız) qalalarına qonıstanğan.

Ministrliktiñ mälimetine qarağanda, qandastardıñ 69,1 payızı – eñbekke jaramdı adamdar, 22,7 payızı – eñbek jasına jetpegender, 8,2 payızı – zeynetkerler.

Bwğan deyin eñbek ministrligi 2022 jılı 18 mıñ qazaq tarihi otanına oralıp, qandas märtebesin alğanın habarlağan.

Resmi statistikağa qarağanda, 1991 jıldan beri Qazaqstanğa 1 million 110,1 mıñ qazaq oralğan.