20 aqpanda Bişkektiñ Lenin audandıq sotı Azattıqtıñ Qırğız redakciyasınıñ jwmısın toqtatu turalı Qırğızstan aqparat ministrliginiñ talap arızı boyınşa aldın ala sot tıñdauın ötkizdi. Bwl turalı Azattıq radiosı jazdı.

Otırıs basında Azattıqtıñ advokatı Akmat Alaguşev sotqa BAQ ökilderin qatıstırudı swrağan. Oğan Qırğızstannıñ aqparat ministrligi qarsı bolıp, alğaşqı 10 minuttı ğana tüsiruge rwqset berudi ötingen. Sud'ya ministrliktiñ ötinişin qabıldağan.

Sot tıñdauı barısında sud'ya qırğız aqparat ministrligine talap arızdı naqtılap jazudı tapsırıp, kelesi sot otırısın 6 naurızğa qaldırdı.

Qırğızstannıñ aqparat, mädeniet, sport jäne jastar sayasatı ministrligi 2022 jılğı 26 qazanda Azattıq saytın bwğattau jöninde şeşim şığarğan. Oğan "Nastoyaşee vremya. Aziya" telearnasınıñ qırğız-täjik şekarasındağı dau turalı materialı sebep bolğan.

26 jeltoqsanda Azatıqtıñ Qırğız redakciyasınıñ saytın Qırğızstan aumağında şekteu turalı şeşimniñ merzimi wzarğanı mälim boldı. Vedomstvo bwğattau turalı şeşimge sebep bolğan material joyılmayınşa, Azattıq saytı şektele beretinin mälimdegen. Azattıq advokattarı ministrlik şeşiminiñ üstinen sotqa şağımdanğan.

23 qañtarda Qırğızstan aqparat ministrligi "Azattık Media" jwmısın BAQ retinde toqtatu turalı sotqa talap arız tüsirgen. Talap arızda daulı videomaterial joyılmağanı, äleumettik jelide tarap jatqanı aytılğan.

Ministrliktiñ wstanımınşa, "Azattık Media" äreketi BAQ turalı qırğız zañınıñ "wltaralıq alauızdıq tuğızbau turalı" babına say kelmeydi.

Azat Europa/Azattıq radiosınıñ prezidenti jäne bas direktorı Djeymi Flay korporaciya Azattıq radiosınıñ Qırğız redakciyasın saqtap qaluğa küş-jigerin salatının mälimdegen.