Foto: Aşıq derekközden

Almatı qalası Bostandıq audanınıñ №2 qılmıstıq sotı Qañtar oqiğasınan soñ azaptaldım degen Timur Radçenkonıñ şağımın qarap, policeyler Baqıt Hamit, Arnat Bimurzaev jäne Däulet Qalımbayğa ükim şığardı, -dep jazdı Ortalıq Aziya jañalıqtar qızmeti.

Bwl turalı procesti qadağalağan qwqıq qorğauşı Bahıtjan Töreğojina Facebook paraqşasında habarladı.

Sud'ya Roman Selickiy Hamit pen Bimurzaevtı "Azaptau" babımen ayıptı dep tauıp, üş jılğa sottadı. Olar jazasın qonıs koloniyasında öteui tiis. Al Qalımbaydıñ "qızmetine salğırt qaradı" degen ayıppen bir jarım jılğa bas bostandığı şekteldi.

Sot üşeuin qızmette alğan şenderinen ayırıp, üş jıl organda jwmıs isteuge tıyım saldı. Ayıptaluşılar sotta öz kinäların moyındamadı.

Üş policeyge ükim şıqqanın sud'ya Selickiydiñ hatşısı Aydana Aydildaeva rastadı, biraq ol basqa aqparat beruge qwqığım joq dep ükimge qatıstı pikir aytpadı.

Baqıt Hamittiñ advokatı Marat Aydarbekov Azattıqqa "ükimmen kelispeytinderin, apellyaciyalıq şağım tüsiretinderin" jetkizdi.

Advokattıñ oyınşa, tergeu kezinde köp zañ bwzılğan, al tergeuge sebep bolğan videojazba zañsız jolmen alınğan.

― Mwnday videojazba tergeu sotınıñ sankciyasımen ğana alınuı kerek, sebebi oqiğa küzetiletin qwpiya mekeme – policiya bölimşesinde bolğan. Biraq tergeu sotınıñ sankciyası bolmağan. Eger däleldiñ alınu jolı zañsız bolsa, sot ol videonı qabıldamauı kerek edi, - deydi advokat.

29 jastağı Timur Radçenkonı azaptau isi qaraşa soñında qarala bastağan. Ol sotta "2022 jılı 8 qañtarda policeyler kölik aydap ketti degen küdikpen özin Bostandıq audanı policiya bölimşesine aparıp, soqqanın" aytqan. Radçenko policeyler tört kün bölimşede zañsız wstağanın da mälimdegen.

10 qañtardağı otırısta prokuror policeylerge tört jıl türme jazasın swrağan. Al Radçenko "Qalımbay men Bimurzaev şığındı ötegenge deyin keşirim swradı" degen.

― Olar tört jıl otırğanın qalamaymın, bwl köp. Olardı keşirdim, otbasıları bar, jwmıstan da şığarmasañızdar. Al Baqıt Hamit keşirim de swrağan joq, odan moral'dıq şığın retinde 300 mıñ teñge öndirudi swraymın. Keşirim swramadı. Sud'ya, öziñiz şeşersiz, - dedi Radçenko sotta.

Al sottağı soñğı sözderinde Hamit, Qalımbay jäne Bimurzaev ayıppen kelispegen. Biraq Bimurzaev Radçenkoğa qol köterip jibergenin moyındağan.

― Ayıppen kelispeymin. Timur Radçenkomen tanıs emespin. Qañtar oqiğası kezinde tört kün demalıssız jwmıs istedim. Radçenko til tigizgende salıp jibergenim ras. Üstindegi kiiminiñ "kapyuşonın" jwlıp alğanım da ras. Azaptamadım. Ükim şığararda tört balam barın eskerseñiz, jäbirlenuşiden de keşirim swradım, - dedi Bimurzaev sotta.

Sot ükimi äli küşine engen joq.

2022 jılı Qañtar oqiğası kezinde wstalğan jüzdegen adam qamauda azaptalğandarın aytqan. Bas prokuratura Qañtar qırğınında qaza tapqan 238 adamnıñ altauı azaptaudan köz jwmdı degen.

Bilik basında azaptau faktilerin joqqa şığarıp kelgen, keyin azaptau faktilerin aytuşılar köbeygen twsta bwl aqparattı moyındadı.

Bas prokuror Berik Asılov 5 qañtarda parlamenttegi jiında azaptau şağımdarı boyınşa 329 is qozğalıp, prokuraturada WQK men policiyanıñ 34 qızmetkeriniñ isi qaralıp jatqanın aytqan.