10 qañtarda 2022 jıldıñ 5- qañtarında "jappay tärtipsizdikti wyımdastırdı", "Almatı äuejayın basıp almaq boldı" dep ayıptalıp üy qamaqta otırğan täuelsiz jurnalist Aygerim Tileujannıñ advokatı Aynara Aydarhan Astana qalasında baspasöz konferenciyasın ötkizdi. 

Advokat Aynara Aydarhan "Qazaqstannıñ bas prokurorı Berik Asılov Äygerim Tileujannıñ konstituciyalıq qwqığı - kinäsizdik prezumpciyasın bwzdı" dep mälimdedi. Oğan sebep bolğan 5 qañtarda Qazaqstannıñ bas prokurorı Berik Asılov parlament mäjilisinde Qañtar oqiğası boyınşa deputattar aldında bayandama jasağanda jurnalist Aygerm Tileujan men tarih päniniñ mwğalimi Qalas Nwrpeyisti ekstremitik toptıñ müşesi retinde "Almatı äuejayın basıp aldı" degen bolatın.

Tergeudiñ endi ayaqtalıp istiñ äli sotqa jetpegenin alğa tartqan advokat Aynara Aydarhan: - Bas prokuror Berik Asılov mäjilistegi sözinde Äygerim Tileujan men Qalas Nwrpeyisovti Almatı äuejayın basıp aludı wyımdastıruşı dep körsetti. Tergeu endi ğana ayaqtaldı, sot ta bolğan joq. Biraq bas prokuror Äygerim Tileujandı qazirdiñ özinde kinäli dep jariyalap jiberdi. Bas prokuror osı arqılı qoğamdıq pikir qalıptastırıp, sot şeşimine ıqpal etkisi keletin siyaqtı. Kimniñ kinäsi qanday ekeni tek sot ükiminde ğana aytıladı,- deydi.

Jurnalist Äygerim Tileujan bıltır, 2022 jılı qaraşa ayında Qañtar oqiğası baylanıstı küdikte retinde sot şeşimimen üyqamaqqa alınğan. Birneşe ay boyı onı "Almatı äuejayın basıp almaq bolğandar isi boyınşa" qılmıstıq iske kuäger retinde tartıp, keyin küdikti sanatına auıstırğan.

Äygerim Tileujannıñ advokatı Aynara Aydarhan 3 qañtarda Aygerim Tileujannıñ marqwm, disident Aron Atabektiñ qırqı näzirinen şığa bere wstalıp 5 küni keşke qaray bosatılğanın eskere otırıp, onı "jappay tärtipsizdikti wyımdastırdı" deudiñ qisını joq. "Öytkeni ol Almatıda Qañtar oqiğası bastalar aldında äkimşilik jazamen qamauda otırğan,-deydi. Äri "- Ol qamaudan şıqqan soñ Qazaqstanğa Resey äskeri keledi degendi estip, aqparattıñ ras-ötirigin anıqtau üşin äuejayğa barğan. Onda eşkim jauap bermegen soñ, 20 minuttan keyin ketip qalğan,- dedi.

Tura osı ayıppen tarih päniniñ mwğalimi Qalas Nwrpeyisovte "Äuejaydı basıp almaq boldı" degen küdikke ilingen. Qalasta marqwm Atabektiñ näzirine barıp Aygerimmen birge qamalğan. Äygerim Tileujan da, Nwrpeyisov te sol küni äuejayğa barğanın moyındaydı, biraq tergeu taqqan ayıptarmen kelispeydi.

Qazaqstan konstituciyasınıñ 77-babında "adamnıñ kinäli ekendigi zañdı küşine engen sot ükimimen tanılğanşa ol jasalğan qılmısqa kinäli emes dep esepteledi" dep körsetilgen.

Aygerim Tileujan täuelsiz jurnalist, qoğamdıq belsendi, öz közqarasın aşıq aytıp, eks-perzident Nazarbaev pen qazirgi prezident Toqaevtı jäne olar qwrğan jüyeni jii sınap, türli qarsılıq mitngilerdi wyımdastırıp, qaytısıp kelgen. Onıñ qudalanuınıñ sayasi sebebi boluı mümkin.