Taldıqorğanda qañtar qırğını kezinde wstalğandardı azaptadı dep ayıplğan 5 policeydi tıñdaytın kezde sottan jurnalisterdi şığarıp jiberdi.

23 jeltoqsanda Jetisu oblısınıñ mamandandırılğan audanaralıq sot zalında ötip jatqan azaptau isi boyınşa 23-şi retki ötip jatqan sot otırsında sud'ya Bekmwrat Düysenbekov «Qañtar qırğını» kezinde qamalğandarğa ütik bastı dep ayıptalğan Aydın Kenjebaevtıñ advokatı Ruslan Eseybekovtiñ  beyne jäne audio jazba tüsiruge qarsılığın qanağattandırdı.

"Qwrmetti sot! Biz sottaluşılardı swramas bwrın, beyne-audio jazba jazuğa qarsımız. Sebebi bwnıñ barlığı internette jür. Men bwnı aldında da aytqanmın. Sondıqtan bwnıñ barlığın öşirip tastap, zaldan şığarıp jiberse de boladı", -dedi advoka Eseybekov.

Eseybekovtıñ ötinişin küdiktiler Boqanov Almas, Jwmaşov Ermek, Nwrtaza Janbaqıt, Toqtaş Saparmwrat jäne olardıñ qorğauşıları Jambılbaev Esimhan, Qarımsaqov Qanat, Sarqıtov Janat, Twrmanbetov Qosanäli qoldadı. Prokuror Qıdırbek Erlan sud'yanıñ öz qarauında qaldıruın swradı.

Sotqa qatısqan jäbirlenuşi taraptıñ qorğauşısı Äsem Tüsipovanıñ procesten keyingi bizge aytuınşa, sud'ya Düysenbekov küdikti Boqanov Almas pen Nwrtaza Janbaqıttan jauap alınğan soñ da,  jwmıs uaqıtınıñ ayaqtaluına az qalğanına qaramastan, üşinşi küdiktini tıñdamaq bolğan. Alayda Tüsipovanıñ qarsılığımen tıñdaudı 26 jeltoqsan tañğı sağat 10:00-ge qaldırğan.