Foto: dw.com

Şeşenstan basşısı Ramzan Qadırovtı sınağan oppoziciyalıq şeşen blogeri Tumso Äbdirahmanovtı Şveciyada öltirip ketti. Bwl turalı 1ADAT telegram-arnası "Europa men Şeşenstandağı derekközder" mälimetine süyene otırıp habarladı, -dep jazdı Ortalıq Aziya jañalıqtar qızmeti.

Blogerdiñ jaqtastarı Azattıq radiosına mälimetti rastadı.

Şveciya qwqıq qorğau organdarı äzirge mälimetke qatıstı aqparat taratpadı.

Telegram-arna mälimetinşe, Äbdirahmanovtı Şveciyada 2 jeltoqsanğa qarağan tüni atıp ketken. "Onı öltirip ketkenin rastaytın senimdi aqparat aldıq, al onıñ bauırı Mwhammadtı arnayı qızmet jasırıp qoydı", - dep jazdı oppoziciyalıq telegram-arna.

Tumso Äbdirahmanov pen onıñ bauırı, adam qwqıqtarın qorğauşı Mwhammad Äbdirahmanov baylanısqa şıqpay qalğanı 2 jeltoqsanda mälim boldı. Sol kezde olardı öltirip ketui mümkin degen boljam aytılğan.

Tumsonıñ telegram-arnasındağı soñğı jazba 30 qaraşada keşke jariyalanğan.

2020 jılğı aqpanda Tumso Äbdirahmanovqa Şveciyadağı päterinde şabuıl jasaldı. Bloger şabuıldauşınıñ qaruın tartıp alıp, policiya şaqırtqan. Osı iske qatıstı ükim 2021 jılğı qañtarda şıqtı. Sottaluşı - Resey azamatı.