2 qaraşada Halıqaralıq Almatı äuejayında Buratiyalıq täuelsiz jurnalist, "Erkin Buratiya" qoğamınñ müşesi Evgeniya Baltatarovanı wlttıq qauipsizdik qızmeti wstadı.

Almatıdan Bişkekke wşqalı twrğan jerinen Baltatarovanıñ qwjattarın äuejay qızmetkerleri alıp alğan. Artınşa wlttıq qauipsizdik qızmetkerleri kelip onı mäjbürli türde Almatı qalası äuejayınıñ jelilik policiya bölimine jetkizgen. Bwl turalı Evgeniya öziniñ "Telegram" kanalında jariyalağan.
https://web.telegram.org/k/#@babayagaprotiv03

Baltatarova Reseyde quğın körgen jurnalıst. Ol Reseydıñ Ukraynağa jasağan şapqınşılığı kezinde beybit adamdardıñ qaza tapqanın, Resey tarapınıñ zañsızdıqtarın aşıq aytıp jariyalağanı üşin jalğan aqparat tarqattı dep ayıptalğan soñ nauzır ayınıñ basında Qazaqstanğa kelgen.

Almatılıq belsendi Älnwr Ilyaşov pen täuelsiz jurnalist Aygerim Tileujen äuejayğa barğanında Baltatarovanıñ qolına közir salıp alıp şığıp ketkenin körgen. Artınşa belsendiler äuejaydıñ jekelik policiya bölimine barğanında olarğa sondağı jauaptı äskerilerdiñ biri Evgeniyanı Reseydegi äriptesteriniñ swrauımen wstağanın äri onı departaciya jasaytındarın aytqan.

Aqırı soñında belsendiler Baltatarovanı qamaudan alıp şıqtı. Tolıq materialdı beynejazbadan köre alasızdar.