الداعى كەلە جاتقان 25 قازانداعى زاڭسىز ميتينگتى ۇيىمداستىردى دەپ 488 باپتىڭ 7 تارمعىمەن  12 قازاندا 15 تاۋلىككە قامالعان تاۋەلسىز جۋرناليس ND ارناسىنىڭ يەسى دۋمان مۇحامەدكارىم بۇگىن  6-كۇن اشتىقتا وتىرعان. بۇگىن ءوزىنىڭ ۇندەۋى باق بەتىنە جاريالانعان سوڭ اشتىقتى توقتاتتى.

تاۋەلسىز ءجۋرناليستىڭ حاتىن قاز-قالپىندا جاريالاۋدى ءجون كوردىك.
اباقتىعى تۇسكەنىمە بۇگىن 6 كۇن بولدى. اشتىق جاريالاعانىما دا 6 كۇن بولدى.
نەگىزى ءبارى جوسپار بويىنشا كەلەدى. مەن مۇنىڭ ءبارىن ءبىر اي بۇرىن جوسپارلاپ قويعانمىن. ەندى اشىپ ايتايىن.
وزدەرىڭىز بىلەسىزدەر مىنا ۇرىلار بيلىگى تۋرالى مەن ءوز ارنامدا كوپ ايتتىم. جۇزدەگەن ۆيدەو جاريالادىم. بىراق ناتيجەسى اناۋ ايتقانداي كەرەمەت بولمادى. بيلىكتە وتىرعان ۇرىلاردىڭ - ۇرى ەكەنىن، وپپوزيتسيانىڭ ءالسىز ەكەنىن قالاي دالەلدەسەم بولادى؟ وسى سۇراق مەنى كوپ ويلاندىردى.
ءسويتىپ شامامەن ءبىر اي بۇرىن ءبىر كينو كورىپ قالدىم. اتى شۋلى كەۆين سپەيسي تۇسكەن فيلم. اتاۋى ەسىمە تۇسپەي تۇر.
بۇل كينودا اقش ازاماتتىق بەلسەندىلەرى ءولىم جازاسىن الدىرۋ ءۇشىن كوپ شارا ۇيىمداستىرادى. الايدا ول اكتسيالاردان ناتيجە بولمايدى. اقىرى الگى ءولىم جازاسىنا قارسى بەلسەندىنىڭ ءبىرى سەرىكتەسىنىڭ قولىنان ولەدى. سەرىكتەسى (كەۆين سپەيسي سومداعان ادام) ءولىم جازاسىنا كەسىلىپ، ولتىرىلەدى.
سوڭىنان بەلگىلى بولادى. قازا بولعان كەلىنشەك وزىنە ءوزى قول سالعان ەكەن. ال، كەۆين سپەيسي ويناعان كەيىپكەر جازىقسىز ولتىرىلگەن.
وسى جانكەشتى وقيعادا اقش ازاماتتىق بەلسەندىلەرىنىڭ ءوز سەنىمى ءۇشىن سوڭىنا دەيىن تۇراتىنىن كوردىم.
ءبىزدىڭ ەلدە ءوز سەنىمى ءۇشىن سوڭىنا دەيىن تۇراتىن ادام بار ما؟
قاسىقتاي قانى قالعانشا الىساتىن بەلسەندى قايدا؟
بۇل سۇراقتار ماعان مازا بەرمەدى. كوپ ويلاندىردى.
اقىرى وسى «ەكسپەريمەنتكە» نار تاۋەكەل دەدىم دە كىرىستىم.
اۋەلى قر كونستيتۋتسياسىن، قىلمىستىق كودەكس، اكىمشىلىك كودەكس سياقتى نورماتيۆتىك قۇجاتتاردى اشتىم. اراسىندا عالىم نۇرپەيىسوۆ، اسىلبەك قاراەۆ، رىسبەك سارسەنبايۇلى سياقتى اعالارىممەن كەڭەستىم. ولار ارينە مەنىڭ جوسپارلارىمدى بىلمەدى. مىنانداي ءسوز قاي زاڭعا قايشى؟ بىلاي ايتسام قالاي؟ دەگەن سۇراقتار قويدىم.
جۋرناليست رەتىندە كۇندە قويىلاتىن سۇراقتار بولعان سوڭ اعالارىم ويىمدى تۇسىنبەي قالعانىنا سەنىمدىمىن.
ءسويتىپ زاڭدار «ءلابيرينتىن» اينالىپ ءجۇرىپ، قازاننىڭ 25 كۇنگى ميتينگى تۋرالى ءماتىن جازدىم. ءتۇسىردىم. مونتاجداپ جاريالادىم.
مارعۇلان بورانباي، دانات نامازباي سياقتى ۇلتجاندى پاتريوتتار ەستەرىڭىزدە شىعار؟ مىنە سول ەكى ازامات «ماقتاباس» (ۆاتنيك) دەگەن سوزدەرى ءۇشىن 5 جىلدان ارقالادى.
ال مەن ءوز ۆيدەومدا باستى «ماقتاباس» توقاەۆ تۋرالى ونىڭ يەسى پۋتلەر (ۆ.ۆ.پۋتين) تۋرالى ايتتىم. الايدا ماعان ول ايتقانىما قاتىستى ايىپ تاعىلعان جوق. ال، ەكى باتىر 5 جىلدان سوتتالدى. بۇل ءبىر.
ەكىنشى مىسال. جانبولات ماماي، قالاس نۇرپەيىسوۆ، قوساي ماحانباەۆ سياقتى جىگىتتەرگە «زاڭسىز ميتينگ ۇيىمداستىرۋشى، ميتينگىگە شاقىرۋشى، قاتىسۋشى»، دەگەن ايىپتار تاعىلدى. الايدا، ولاردا قىلمىستىق ءىس.
ماعان دا وسىعان ۇقساس ايىپ تاقتى. بىراق مەنىكى اكىمشىلىك ءىس.
ولاردىڭ ءىسى ايدان-ايعا سوزىلىپ كەلە جاتقانىنا جارتى جىلدان استى.
ال مەنىڭ ءىسىم اينالدىرعان 3 ساعات ىشىندە تەرگەلىپ، «دالەلدەنىپ»، پروكۋرور «زاڭدى» دەپ تاۋىپ سوت 15 تاۋلىككە قاماي سالدى. 17.10.22 كۇنى وتكەن اپپەلياتسيالىق سوتتا وزگەرىسسىز قالدى.
نەگە ۇقساس ايىپتاۋ بىراق نەگە ەكى ءتۇرلى كودەكس؟ جازا ءتۇرى نەگە ءار ءتۇرلى؟ الدە مەنى 25 قازانعا دەيىن شۇعىل جابۋ كەرەك بولدى ما؟
جوق، الدە جانبولات، قالاس، قوساي ۇشەۋى – شورتان دا، دۋمان – شاباق پا؟
الدە ءجۋرناليستتى 5 جىلعا جاپسام «ابىرويىم – پاترونداي ءشاشىلادى»، دەدى مە ەكەن؟
بۇل ەكى مىسالدا مەنىڭ دالەلدەگىم كەلدى ءبىزدىڭ ەلدە ءبارى – فارس، ءبىزدىڭ ەلدە ءبارى – فالسيفيكاتسيا ەكەنىن.
قاراڭىزدار كەشە عانا پۋتينگە قارسى شىقتى. دحر مەن لحر-نى تانىمادى دەگەن ءتابارىش تاكاەۆ بۇگىن «كرەملدەن ارتىق دوسىم جوق»، «ورىس ءتىلى تمد ءتىلى» دەپ وتىر. ول ۇلت ساتقىنى – كوللابورانت ەمەي نەمەنە؟
سودان كەيىندە مارعۇلان بورانباي مەن دانات نامازباي تۇرمەگە ءتۇستى.
جانبولات ماماي، قالاس نۇرپەيىسوۆ جانە قوساي باۋىرىم نە ءۇشىن وتىر؟
ولار ويتكەنى جۇيەگە قارسى تۇردى. ادام بار – ءىس تابىلادى.
«تۇرمەدە ۇستاي تۇرۋ كەرەك سوسىن بىردەڭەنى «تىگىپ» - «شىرىتەمىز»، دەپ وتىر.
مەنىڭ دە تۇبىمە جەتكىلەرى كەلەدى. قىسقاسى فالسيفيكاتسيانى دالەلدەگىم كەلدى – دالەلدەدىم.
ءۇشىنشى ەكسپەريمەنت ول – اشتىق جاريالاۋ. 12.10.22 كۇنى تۇسكى ساعات 14.30 شاماسىندا مەن شەشەمنىڭ ءبىر شىنى شايىن ءىشتىم. سودان بەرى ءنار تاتپادىم. اشتىق جاريالاعانىمدى كەلە سالىپ ۋاقىتشا وقشاۋلاۋ مەكەمەسى قىزمەتكەرلەرىنە ەسكەرتتىم.
ەرتەسى 13.10.22 ساعات 12.00 شاماسىندا ارىز جازىپ بەردىم. ەكى شارت قويدىم. ول كەزەكتەن تىس پرەزيدەنت سايلاۋىن توقتاتۋ جانە مەنىڭ 15 تاۋلىككە قامالۋىمدى زاڭسىز دەپ تانۋ. الايدا ولار «قىڭق» ەتكەن جوق. نەگىزى بۇل ەكى شارتتىڭ قابىلدانبايتىنىن ءبىلدىم. مەنىڭ ماقساتىم كامەرادا وتىرىپ پرەسساعا مالىمدەمە جاساۋ ەدى. جۋرناليستتەردى كىرگىزۋ ءۇشىن، الدىندا ادەيى كۇردەلى شارتتار قويىپ ەدىم.
مويىندايمىن، بۇل جوسپارىم ىسكە اسپاي قالدى. الايدا، بۇل نەگىزگى كوزدەگەنىمدى اشىپ بەردى.
ءبىزدىڭ بيلىك ءۇشىن حالىق دەگەن توبىر. ال، توبىر – توپاس. ءبىزدىڭ ەلدە ادامنىڭ قۇنى جوق!
«ءۇيىم-كۇيىم جوق. بالا-شاعامدى اسىراي الماي جاتىرمىن. بالالارىمدى تەرەزەدەن لاقتىرىپ، ارتىنان ءوزىم سەكىرۋدەن باسقا امالىم قالمادى»، دەي مە؟ بيلىك وندا «اسىراي المايتىنىڭ بار نەگە بالا تاباسىڭ؟»، دەپ جاۋاپ بەرەدى.
«يپوتەكامدى تولەي الماي جاتىرمىن ءوزىمدى ورتەگەننەن باسقا جولىم جوق» دەي مە؟ وندا بيلىك جاعدايىڭ جوق بولسا اتاڭنىڭ باسىنا كرەديت الاسىڭ با؟» دەپ جاۋاپ بەرەدى.
سول سياقتى «اشتىق جاريالايمىن» دەدىڭ بە وندا بيلىك «ولەتىن كۇنىڭدى اتا-اناڭا ايتىپ قوي. ساسىتپاي ءمايىتىڭدى الىپ كەتسىن»، دەگەندەي بولدى.
ياعني، مەنىڭ دالەلدەگىم كەلدى. ءبىزدىڭ ەلدە ادام – كۇل-قوقىس. دالەلدەندى!
وسى جەردە ايتا كەتەيىن. مەن ولمەيمىن. ءالى كۇرەسۋىم كەرەك. سوندىقتان، «ەكسپەريمەنتىم» مەن ويلاعانداي شىققاندىقتان وسى حاتىم الەۋمەتتىك جەلىلەرگە شىعا سالىسىمەن اشتىقتى دوعارامىن.
بيلىككە بەكەر قۋانىش سىيلاعىم كەلمەيدى.
بۇل «ەكسپەريمەنتتىڭ» تاعى ءبىر ماقساتى وپپوزيتسيانى «قالىڭ ۇيقىدان» وياتۋ. وپپوزيتسيا وسى كۇندە «راديكال ەمەسپىز»، «بيلىكپەن مامىلە ىزدەيمىز»، دەگەندى كوپ ايتادى. ول، توقاەۆ باستاعان بيلىكتىڭ «رەۆوليۋتسيالىق جولمەن ەمەس، ەۆوليۋتسيالىق جولمەن وزگەرىس اكەلۋ كەرەك»، دەگەن سوزىنە ۇقساس.
مەنىڭ ءوز باسىم كوزىم جەتتى. قازاقستان سياقتى كرەملدىڭ ىقپالىنان شىعا الماي وتىرعان ەلدەردە ەۆوليۋتسيا مۇمكىن ەمەس. ويتكەنى ءبىزدىڭ بيلىكتە «ۇڭگىردەن شىققان» نەوندەرتالدار وتىر. بۇل ۇرىلار بيلىگىنىڭ ارانى اشىلىپ كەتكەن. اڭساعاندارى اقشا عانا.
وركەنيەتتى، سانالى بيلىك بولسا ەۆوليۋتسيا مۇمكىن ەدى. مىنالاردا سانا بولماسا قايدا ەۆوليۋتسيا؟؟؟
سوندىقتان وپپوزيتسيا ويانسىن. بيلىكتىڭ ادىلەتسىز ويىن شارتتارىن قابىلداي الماي ما؟ وندا كوشەگە شىقسىن. ءبىز تەك قانا بەيبىت شەرۋ ارقىلى وزگەرىس اكەلە الامىز. ودان باسقا جول جوق. نازارباەۆتىڭ 30 جىلىندا، توقاەۆتىڭ 3 جىلىندا وڭ وزگەرىس بولمادى. الداعى 7 جىلدا دا وزگەرىس بولمايدى ەگەر ءبىز تالاپ ەتپەسەك.
مەن وسى ۇندەۋىمنەن كەيىن ءالى ۇزاق وتىرۋىم ابدەن مۇمكىن.
ول «ەكسپەريمەنتتىڭ» جالعاسى بولادى. ناتيجەسىن سول كەزدە كورەمىز.
قۇرمەتتى اعايىن!
مەن ۇگىت جۇرگىزبەيمىن، ميتينگىگە شاقىرمايمىن. الايدا ويلارىڭىزدا بولسىن قازاننىڭ 25 شەشۋشى كۇن بولۋى كەرەك. نە بيلىك حالقىنا ءبىر بۇيرىگى بۇرىپ دەموكراتيالى وزگەرىستەر جاسايدى نە ءبىز ەگەمەندىگىمىزدەن ايىرىلامىز.
قارتايعان شاعىڭىزدا قۇلدىقتا جۇرگەن نەمەرە-شوبەرەڭىزگە نە ايتارىڭىزدى بىلمەي وتىرىپ قالماڭىز.
ال، ءتابارىش تاقاەۆقا ايتقىم كەلەدى. شىنايى وزگەرىستەر بولماسا، زاڭسىز سايلاۋ توقتاماسا حالىق – لاپ ەتەمىن دەپ تۇر. ءبىر ۇشقىن جەتپەي تۇر. ال ول ۇشقىن مەنىڭ جانە مىڭداعان پاتريوت بەلسەندىلەردىڭ قولىندا! ويان قازاق. اتتان قازاق، العا قازاق ەلى!
P.S. كوزىم قاراۋىتىپ، باسىم اينالىپ ارەڭ جازدىم. تۇسىنىكسىز بولسا نەمەسە قاتەلەر كەزدەسسە كەشىرىم وتىنەمىن. ايتپاقشى، قازاننىڭ 25 ND ارناسىن قاراڭىزدار. الدىن الا جۇكتەگەن ۆيدەوم شىعادى. 18.10.2022 10.17 مۇقامەدكارىم د.ا.
ايتپاقشى، باسىم اينالىپ، كوزىم بۇلدىراپ وتىرىپ ۇمىتىپ كەتىپپىن.
اقوردادا وتىرعان كوللابورانتتاردى قىزمەت ءۇشىن نە اقشا ءۇشىن جاقسى كورەدى. سول قىزمەت ءۇشىن ارىن ساتقاندار ارمياسىندا ۇر-توقپاق پوليتسيا «زاڭدىلىقتىڭ» بۇزىلۋىن قاداعالايتىن پروكۋرورلار جانە زاڭدى بەلشەسىنەن باساتىن قارابەت سوتتار بار.
مەن بۇل «ەكسپەريمەنتتە» ولاردى اقشا دەسە ارىنان ايىرىلعان، ساناسىز دەگەنەرات ەكەنىن دالەلدەگىم كەلگەن.
جوعارىدا اتالعان 5 باتىر، شىمكەنتتە زاڭسىز سوتتالعان 4 باتىر، بارلىق ايماقتاردا قاڭتار كوتەرىلىسى بويىنشا جالعان ايىپ تاعىلعان جانە وست ۇكىمىن كۇتىپ وتىرعاندار، سونداي-اق مەنىڭ ءىسىم – مەنىڭ كۇدىگىمدى دالەلدەيدى دەپ ويلايمىن،
بۇل ساناسىز دەگەنەراتتار اقوردانىڭ نۇسقاۋىمەن ماعان تاعى نە ىلەدى ەكەن؟
ونى سىزدە مەن دە ءبىلىپ وتىرمىز!
ءتۇبى ءبىز جەڭىسكە جەتەمىز!