Almatı oblısına qarastı Talğar audanınıñ Perelog Fabreçni köşesiniñ twrğındarı jinalıp özderiniñ köşelerinde şeşilmey jatqan mäseleleri jöninde şağımdandı.

Osığan deyin de äkimdikke birneşe märte barıp talap arızdarın aytsa da, tıñdar qwlaq bolmağan. Jöndelmegen jol, tozığı jetken elektr bağandarı, qwlauğa aynalğan ağaştar äkimşilik nazarınan tıs qaldı dep şağımdandı. Talğar audanınıñ osı salağa jauaptı basşılığı biz olardıñ ötinişin körmedik dep at-tonın ala qaştı. Biraq jol jäne jarıqtı jöndeu biılğı josparda bar ekenin, audannıñ balansına alu üşin äli de ötinişterdi qaraytındarın ayttı. Äytse de äkimi auısa beretin Talğardıñ şeşilmey jatqan köp mäselesin juıq arada jönge salar türi joq, halıqtıñ da ümiti az. bwl ötiniş qaralıp, şeşim qabıldanğanşa qazirgi äkim de auısıp keter dep otır.

Elektr jelisin öz aqşalarımen tarqan twrğındar qarajat jetpegen soñ jalğaytın qajetti materialdarğa ötken ğasırdıñ jabdıqtarın paydalanıp otırmız. Elektroset' ay sayın aqşa jinap alğanımen bizdi balansqa almay otır. Jalğız tok qana emes bar jağınan jwrtta qalğan iesizbiz deydi.

Perelog Fabreçnilikter bwğan deyin qanşa ret BAQ qwraldarın da şaqırğan. Alayda solardıñ eşqaysısı aqparatqa şığarmadı Talğar audanınıñ äkimdigi, atqa minerleri, tipti oblıs basşılığıda uäjimizdi tıñdaymaydı sol üşinde jurnalisterge şağınıp zar mwñımızdı jetkizer deuşi edik. Prezident Toqaevtıñ "estitin memleketiniñ" estir qwlağın tappay jürmiz dep nalidı.

Nwrbätima Baytwrsın

Almatı oblısı