الماتى وبلىسىنا قاراستى تالعار اۋدانىنىڭ پەرەلوگ فابرەچني كوشەسىنىڭ تۇرعىندارى جينالىپ وزدەرىنىڭ كوشەلەرىندە شەشىلمەي جاتقان ماسەلەلەرى جونىندە شاعىمداندى.

وسىعان دەيىن دە اكىمدىككە بىرنەشە مارتە بارىپ تالاپ ارىزدارىن ايتسا دا، تىڭدار قۇلاق بولماعان. جوندەلمەگەن جول، توزىعى جەتكەن ەلەكتر باعاندارى، قۇلاۋعا اينالعان اعاشتار اكىمشىلىك نازارىنان تىس قالدى دەپ شاعىمداندى. تالعار اۋدانىنىڭ وسى سالاعا جاۋاپتى باسشىلىعى ءبىز ولاردىڭ ءوتىنىشىن كورمەدىك دەپ ات-تونىن الا قاشتى. بىراق جول جانە جارىقتى جوندەۋ بيىلعى جوسپاردا بار ەكەنىن، اۋداننىڭ بالانسىنا الۋ ءۇشىن ءالى دە وتىنىشتەردى قارايتىندارىن ايتتى. ايتسە دە اكىمى اۋىسا بەرەتىن تالعاردىڭ شەشىلمەي جاتقان كوپ ماسەلەسىن جۋىق ارادا جونگە سالار ءتۇرى جوق، حالىقتىڭ دا ءۇمىتى از. بۇل ءوتىنىش قارالىپ، شەشىم قابىلدانعانشا قازىرگى اكىم دە اۋىسىپ كەتەر دەپ وتىر.

ەلەكتر جەلىسىن ءوز اقشالارىمەن تارقان تۇرعىندار قاراجات جەتپەگەن سوڭ جالعايتىن قاجەتتى ماتەريالدارعا وتكەن عاسىردىڭ جابدىقتارىن پايدالانىپ وتىرمىز. ەلەكتروسەت اي سايىن اقشا جيناپ العانىمەن ءبىزدى بالانسقا الماي وتىر. جالعىز توك قانا ەمەس بار جاعىنان جۇرتتا قالعان يەسىزبىز دەيدى.

پەرەلوگ فابرەچنيلىكتەر بۇعان دەيىن قانشا رەت باق قۇرالدارىن دا شاقىرعان. الايدا سولاردىڭ ەشقايسىسى اقپاراتقا شىعارمادى تالعار اۋدانىنىڭ اكىمدىگى، اتقا مىنەرلەرى، ءتىپتى وبلىس باسشىلىعىدا ءۋاجىمىزدى تىڭدايمايدى سول ۇشىندە جۋرناليستەرگە شاعىنىپ زار مۇڭىمىزدى جەتكىزەر دەۋشى ەدىك. پرەزيدەنت توقاەۆتىڭ "ەستيتىن مەملەكەتىنىڭ" ەستىر قۇلاعىن تاپپاي ءجۇرمىز دەپ ناليدى.

ءنۇرباتيما بايتۇرسىن

الماتى وبلىسى