Foto: centralasian.org

Almatı äkimdigi azamattıq belsendiler men "Demokratiyalıq küşter koaliciyasına" kezekten tıs prezident saylauınan bas tartu talabımen miting ötkizuge ekinşi ret te rwqsat bermedi. Bwl turalı Ortalıq Aziya jañalıqar qızmeti jazdı.

Osığan deyin äkimdik "miting belgilengen orın pen uaqıtta mädeni is-şara ötedi" dep alğaşqı ötinişterin keri qaytarğan edi.

Miting ötkizu turalı ekinşi ötinişti «Mwqalmas» wyımınıñ Almatı filialınıñ jetekşisi Qwdayğaşükir Abdullaev äkimdikke 24 qırküyekte jöneltken. Bwl rette miting ötetin orın retinde «Sarıarqa» kinoteatrınıñ artındağı alañ tañdalğan.

Bwl habarlamağa Almatı äkimdiginiñ qoğamdıq damu basqarması basşısınıñ orınbasarı Aydar Esenbekov «alañda qwrılıs-montajdau jwmıstarı josparlanğan» degen sebeppen miting ötkizuge rwqsat bermegen.

Eki rette de äkimdiktiñ bas tartqanın Facebook paraqşasına jariya etken sayasatker Mwhtar Tayjan «eskertu täsili qayda, tağı da aldau ma?» dep jazdı.

Bwğan deyin belsendiler 17 qırküyekte sağat 12.00-15.00 aralığında Şoqan Uälihanov atındağı alañda miting ötkizetinin aytıp, "Qazaqstannıñ demokratiyalıq küşter koaliciyası" atınan äkimdikke eskertu hat tapsırğan edi. Alayda 14 qırküyekte äkimdik eskertudi keri qaytarıp, aldağı senbide ol jerde "qoğamdıq-mädeni şara ötetinin" aytqan.

Saylau baqılauşısı Araylım Nazarova «mitingte kezekten tıs saylaudı ötkizbeu, saylau turalı zañğa özgeris engizu, sayasi twtqındardı bosatu, prezidentti bir merzimge 7 jılğa saylau wsınısın qabıldamau sındı talaptar köteriluge tiis edi» deydi.

Äkimdiktiñ şeşimimen kelispegen zañger Erlan Qaliev äkimşilik sotqa arız bergen.

– «Beybit jinalıstardı ötkizu turalı zañnıñ» 11-babında jergilikti atqaruşı organ wyımdastıruşılarğa jiınnıñ ornı men uaqıtın özgertu turalı wsınıs berui kerek. Mäselen, biz körsetken uaqıtta koncert ötse, oğan deyin ne keyin ötkizudi wsınuı qajet, – deydi zañger.

Äkimşilik sot isti jedel qaramağan. Taraptardı is qosıp, alğaşqı otırıstı 27 qırküyekte ötkizbek.

Qazaqstanda 2020 jılı beybit jiındardı ötkizu tärtibi turalı jaña zañ qabıldanğan. Bilik bwl zañ jobasın «bwrınğı tärtip aytarlıqtay özgerdi, endi eskertu arqılı beybit jiın ötkizuge boladı» degen sipatta nasihattadı. Prezident Qasım-Jomart Toqaev ta mitingke azamattar jergilikti atqaruşı organdı eskertu arqılı şığa beredi deydi. Zañda «rwqsat etpeu» söziniñ ornın «bas tartu» degen söz almastırğan. Qwqıq qorğauşılar zañ özgerse de, beybit jiındardı baqılau men rwqsat etu forması eski tärtipte qalğanın aytıp keledi.