Bügin jelide payda bolğan Qazaqstannıñ bwrınğı prem'er-ministri Asqar Maminniñ, Mäjilistiñ bwrınğı spikeri Nwrlan Nığmatulin jäne Qazaqstan futbol federaciyasınıñ bwrınğı prezidenti Ädilbek Jaqsıbekovpen birge tüsken sureti köpşiliktiñ nazarın audarttı, dep jazdı Araşa portalı.

Bwl suret elordadağı Lugano italiya meyramhanasında jaqında tüsirilgen, onı Maminniñ öz de rastadı. Bwl meyramhana Maminge tiesili. Köpşilikti bwlar neni talqılauı mümkin degen mäsele alañdatqan edi. Köp wzamay Maminniñ özi oğan qatıstı mälimdeme jasap, bwl «sırğa salu» toyın talqılau maqsatında ötkizilgen jiın edi degen jauap qattı. Biraq bwl öte sätsiz şıqqan jauap boldı desek boladı.

«Qazaqstan Prezidenti Qasım-Jomart Toqaev kezekten tıs prezidenttik saylau turalı aytılqalı mwnday jiınnıñ wyımdastırıluı tekten-tek emes. Onıñ üstine soñğı kezderi eldegi qoğamdıq-sayasi jağdaydı twraqsızdandıru üşin mektepterge, äuejay, memlekettik jäne jeke mekemelerge jarılğış zat qoyılğanı turalı ananimdi qoñıraular köptep tüse bastağan»,- dep jazdı nursolovej telegram kanalı.

Tipten, jurnalist Mihail Kozaçkov Qostanaydağı dala örti de qasaqana wyımdastırıluı mümkin degen boljam jasap otır, onı sol jerdiñ twrğındarı da qostaydı.

Almatı oblısında orın alğan tağı bir iri ört jağdayı diversiya turalı aqparattı rastay tüsetindey, yağni «eski Qazaqstannıñ» keybir ıqpaldı ökilderiniñ isi boluı mümkin, eger rasımen solay bolsa, olarğa tiisti jauap beriledi degen söz.

«Osınday radikaldı äreketterge Mamin, Nığmatullin jäne Jaqsıbekovtıñ qatısı bar ma, degenmen olardıñ kezdesui kezekten tıs prezident saylauına qatıstı bolğanı sözsiz. Onıñ üstine prezident saylauı kampaniyasına ıqpal etkisi keletini nemese saylauğa tüskileri keletini de ayqın. Saylauğa Nığmatulin tüsui äbden mümkin, ol wlı jüzden bolmağanımen, şapıraştınıñ qızın alıp otır. Alayda, Nığmatulinniñ etnikalıq tatar ekenin eskersek, Nazarbaevtar otbasınıñ basqa ökilderi onıñ töñiregine birigui öte kümändi, sonımen qatar banditizm, reket jäne wldarınıñ jönsiz minez-qwlqına baylanıstı ol üşin saylau nauqanınıñ özi sıbaylas jemqorlıqqa qatıstı janjalğa aynaluı mümkin», – dep jazdı telegram kanalı.