Bügin Almatı qalasındağı «Qazaqstan» qonaq üyinde bir top azamat demokratiyalıq küşter koaliciyasın qwrıp ündeu jasap jatqan twsta «Oyan, Qazaqstan» qozğalısı da kezekten tıs prezident saylauına qatıstı öz mälimdemelerin jasadı. 

Sayasi reforma talap etuşi Oyan, Qazaqstan qozğalısınıñ saylauğa qatıstı mälimdemesi

Biz, Qazaqstandıqtar — erkindik pen beybitşilikti süyetin, öz bolaşağımızdı özimiz bağdarlay alatın azamattarmız! Bärimiz ädil saylau men aşıq sayasi jüyege layıqtımız dep sanaymız.
Sondıqtan biz bwl prezidenttik saylaudı zañdı dep tanımaymız. Merziminen bwrın jäne asığıs saylau ädiletti bola almaydı.
Biz kezekten tıs saylaudı, onıñ nätijelerin moyındamaymız jäne barlıq otandastarımızdı soğan şaqıramız.
Biz naqtı özgeristerdi qalaymız jäne ol özgerister sayasi reformalardan, quğın-sürginnen bas tartudan, qwqıqtar men bostandıqtardı basıp-janşudan bas tartudan bastalu kerek dep sanaymız.
Osığan baylanıstı biz mınalardı talap etemiz:
1. Saylau jüyesiniñ tolıq reforması ötpeyinşe kezekten tıs prezidenttik saylaudan bas tartudı talap etemiz.
2. Saylau jüyesin reformalau jäne prezidenttik, parlamenttik jäne mäslihattar saylauın ötkizu erejelerin özgertu qajet. Reforma halıqaralıq standarttarğa jäne eldiñ demokratiyalı qoğamda ädil saylau ötkizu jönindegi mindettemesine säykes jürgizilui tiis.
3. Prezidenttikke kandidattarğa qoyılatın talaptardı jeñildetu qajet.
4. Sayasatqa qatısuğa barlıq azamattarğa mümkindik berilui tiis. Qazaqstan Respublikasınıñ Konstituciyası boyınşa biliktiñ negizgi qaynar közi — halıq.
5. Barlıq sayasi twtqındardı jäne Kantarda qatısqanı üşin quğınğa wşırağandardı, sonıñ işinde zañsız wstalğan Janbolat Mamaydı bosatudı talap etemiz!
Bilikti Nazarbaevtıñ ädisimen basıp alu bayağı nätijege, yağni kedeyşilik pen qantögiske äkeletinin Qasım-Jomart Toqaev tüsinui kerek.
Tek barşa qazaqstandıqtardıñ el basqaruğa qatısuı güldengen, quattı elge aparar jol.
Oyan, Qazaqstan!, – degen mälimdeme jasadı.

“The Qazaq Times”