Aqmola oblısında Kokshetau Asia saytınıñ redaktorı Nwrjan Baymuldin "tötenşe jağday kezinde tärtiptiñ bwzıluına ıqpal etetin äreketi üşin" (478-bap) on künge qamaldı. Bwl jöninde jurnalistiñ özi äleumettik jelidegi paraqşasında habarladı dep jazdı Ortalıq Aziya jañalıqtar qızmeti.

Aqparatqa qarağanda, jurnalistiñ äkimşilik jazağa tartıluına prezident Qasım-Jomart Toqaevqa äleumettik jeli arqılı swraq qoyuı türtki bolğan. "Toqaev Putinge esep berdi" attı jazbasında Baymuldin Toqaevtan jaña ükimet qwramın jariyalaytını jöninde ne üşin WQŞW jiınında ayttı dep swrağan.

"Toqaevqa swraqtar qoyğanım üşin 10 künge qamaldım. Tüngi sağat 11-de qarauıldı kütip twrmın. Tüski sağat 12-den beri as- cusız otırmın. Aşpın. Özin policiya bastığınıñ orınbasarı dep tanıstırğan uäkil aldap şaqırdı. Üş sağattan astam uaqıt boyı advokatsız wstadı. Meni müdirtu üşin uçaskede hattamağa üş ret jaña swraqtar engizildi. Tergeuşi bir jaqqa baradı da, aldın ala kelisilgen jaña swraqtar alıp keledi" dep jazdı ol.

Keyin policiyada jurnalistiñ jağdayı naşarlap, jedel järdem qızmeti şaqırılğan. Biraq därigerler onı auruhanağa jatqızudan bas tartqan. Jedel respiratorlıq virustıq infekciya (ORVI) diagnozın qoyıp, paracetomol işuge keñes bergen. Öziniñ aytuınşa, sud'ya fel'dşer jazıp bergen qağazğa külip, "eger kinäñdi moyındağanda, ayıppwl alatın ediñ" dep aytqan.

Qazaqstanda qañtar ayındağı narazılıqtar men tärtipsizdikterden keyin prezident Qasım-Jomart Toqaevtıñ ötinişimen elge WQŞW äskeri kirgizilgen. Biliktiñ bwl şeşimin köptegen belsendi sınağan edi.

Bwğan deyin Toqaev WQŞW äskeri 13 qañtardan bastap şığarıla bastaydı, äsker şığaru procesi on künnen aspaydı dep mälimdegen.