Foto: azattyq-ruhy.kz

Qazaqstan Auğanstanmen tauar aynalımın wlğaytuğa müddeli. "Mwnı sauda jäne integraciya ministri Baqıt Swltanov ayttı" dep jazdı osı ministrliktiñ baspasöz qızmetine silteme jasağan Ortalıq Aziya jañalıqtar qızmeti.

Auğan ükimetimen Kabulda kezdesken Swltanov "Qazaqstan azıq-tülik, mwnayhimiya, metallurgiya, jeñil önerkäsip pen mäşine jasau, ağaş öñdeu salaları boyınşa Auğanstanğa qwnı 360 million dollarğa jetetin 45 tauar eksporttaytının" aytqan.

Sauda jäne integraciya ministrliginiñ baspasöz qızmeti taratqan aqparatqa qarağanda, Qazaqstan Auğanstannan jemis-jidek satıp aluğa äzir.

Qazaqstan Auğanstanğa wn men biday jetkizetin negizgi el. Qazaqstan wnınıñ jartısınan astamı jäne bidayınıñ 10 payızdan astamı auğan bazarına bağıttalğan.

Swltanov Qazaqstan-Auğanstan biznes-forumına qatısıp, Auğanstanğa wn önimderi men özge de azıq-tülik jetkizu jöninde memorandumğa qol qoyğan.

Baspasöz qızmetiniñ mälimetine qarağanda, 2021 jıldıñ qañtar-qazan ayları arasında Qazaqstan men Auğanstan arasındağı tauar aynalımı 345,9 mln dollarğa jetken, biraq bwl bir jıl bwrınğı osı kezeñdegi körsetkişten ($477,1 mln) 27,5 payızğa az.

Qazaqstan ükimeti ökilderiniñ 2021 jılı tamızda bilikke küşpen kelgen "Taliban" ökilderimen kezdesip otırğanı birinşi ret emes.

Bwl jolı ministr Baqıt Swltanov prem'er-ministrdiñ orınbasarı Abdolla Salam Hanafimen, sırtqı ister ministri Ämir Han Mwttaqimen, sauda jäne önerkäsip ministri mindetin atqaruşı Nwriddin Äzizimen kezdesken.

Swltanovtıñ sözinşe, Qazaqstan Auğanstanğa qwnı 1,9 million dollarğa bağalanatın däri-därmek, bes mıñ tonna wn men azıq- tülikti gumanitarlıq kömek retinde bergen.

Birer kün bwrın Azattıq tilşisimen söylesken auğan qazaqtarı tälipter bilikke kelgeli köptegen dükender jabılıp, 1200 auğani twratın bir qap wn (şamamen 5100 teñge) 3200 auğaniğa qımbattağanın (13700 teñge) aytqan.

Auğanstannıñ sırtqı ister ministri Ämir Han Mwttaqimen 26 qırküyekte Qazaqstannıñ Auğanstandağı elşisi Älimhan Esengeldiev kezdesken. Jergilikti BAQ mwnı Qazaqstan ökiliniñ "Taliban" qozğalısınıñ müşesimen joğarı deñgeyde alğaş kezdesui dep sipattağan. Alayda Qazaqstan sırtqı ister ministri taratqan habarda terror wyımnıñ atı atalmağan, Mwttaqidi "Auğanstan uaqıtşa ükimeti sırtqı ister ministriniñ mindetin atqaruşı" dep jazğan.

Halıqaralıq qauımdastıq "Taliban" qozğalısı Auğanstan biligin qolğa alğan soñ auğan ükimetin moyındau, ne moyındamau degen dilemma aldında twr. Sarapşılar Ortalıq Aziya elderi özderiniñ ekonomikalıq müddesi üşin täliptermen ıntımaqtasadı dep topşılaydı.

9 qırküyekte Qazaqstan prezidenti "Qazaqstannıñ Auğanstanmen iskerlik qatınastarğa dayın" ekenin aytqan. Şanhay ıntımaqtastıq wyımınıñ 17 qırküyekte Duşanbede ötken sammitinde Toqaev "Auğanstannıñ jaña biligimen beyformaldı dialogtı" qoldaytının bildirgen.