Foto: qazaly.kz

21 jeltoqsanda Şımkenttiñ qalalıq qılmıstıq ister jönindegi mamandandırılğan audanaralıq sotı Türkistan oblısı jäne Şımkent qalasınan Bahreynge jwmıs isteuge alıp barıp, mäjbürlep jınıstıq qwldıqqa saldı dep ayıptalğan 16 adamdı 1 jıl 3 aydan 14 jılğa deyin qamau turalı ükim şığardı. Bwl turalı Ortalıq Aziya jañalıqtar qızmeti jazdı.

Sottalğandardıñ işinde Qazaqstan azamattarınan bölek, Resey azamattarı da bar.

Ükimdi sud'ya Äbsattar Şahidinov oqıdı. Ayıptaluşılar Qılmıstıq kodekstiñ "Transwlttıq wyımdasqan top, transwlttıq qılmıstıq wyım qwru jäne olarğa basşılıq etu, sol siyaqtı olarğa qatısu", "adam saudası", "kämeletke tolmağandar saudası", "qılmıstıq jolmen alğan aqşanı jäne özge de mülikti zañdastıru", "Qazaqstan Respublikasınıñ memlekettik şekarasın qasaqana zañsız kesip ötu" baptarımen kinäli dep tanıldı.

"Adam saudasımen aynalıstı" dep kinäli tanılğan ayıptaluşılar Rano Işmetova, Äsel Tuteeva jäne Elmira Adihamova jäbirlenuşilermen tatulasuına baylanıstı jäne kämelet jasqa tolmağan balaları bar ekeni eskerilip, qılmıstıq jauaptan bosatıldı.

Sot 36 jastağı Saodat Azadovanı "transwlttıq qılmıstıq toptı qwruşı", qalğan sottaluşılardı qılmıstıq toptıñ müşesi dep tanıdı. Sottaluşılar ükim oqılğan kezde jıladı. Olar foto, video tüsiruge qarsı boldı.

İs boyınşa 36 qız jäbirlenuşi dep tanılğan. Olardıñ deni jetimder üyinde, arnayı mektep-internattarında jäne twrmısı tömen otbasında ösken. Arasında kämelet jasqa tolmağan qızdar da bar. Ükimdi tıñdauğa bir jäbirlenuşi keldi. Ol da ükimge baylanıstı qanday da bir pikir beruden bas tarttı.

Sottaluşılardıñ 14-i – Qazaqstan azamatı. Ekeui Qazaqstanda twratın Resey azamatı.

Sud'ya Äbsattar Şahidinovtıñ sözinşe, sottaluşılar tağılğan ayıptı tolıq jäne işinara moyındağan jäne keybiri isine ökingen.

150 tomnan türatın is sotqa 14 mamırda tüsken. 27 mamırda sot tergeui bastaldı. İs jabıq qaraldı.

Naurız ayında Qazaqstan İşki ister ministrligi Türkistan oblısı men Şımkent qalasında twrğan 39 äyeldiñ Bahreynde jınıstıq qwldıqqa tüskeni anıqtalğanın habarlağan. Tergeu boljamınşa, 2016-2020 jılı transwlttıq qılmıstıq top jäbirlenuşilerdi aldap, joğarı jalaqığa jwmıs isteuge şaqırıp, olardıñ qwjattarın tartıp alğan. Özderin jezökşelikpen aynalısuğa mäjbürlegen. Küdikti retinde 19 adam anıqtalğan. Olardıñ 16-ı wstalğan. Qalğanına halıqaralıq izdeu jariyalanğan.