AQŞ prezidenti Jo Bayden men Resey prezidenti Vladimir Putin arasındağı tarihi kezdesu keşe, 16 mausım küni Jenevada ötti. Kezdesuden bwrın taraptardıñ qanday da bir auqımdı kelisimnen ümittenip otırmağanı aytılğan bolatın. Al, kezdesu ötkennen keyin eki el basşısınıñ kezdesuge qatıstı pikirleri mañızdı bola twsti.
Bwl kezdesu AQŞ pen Resey arasındağı naşarlap bara jatqan qarım-qatınastı retke salıp, qayşılıqtardı barınşa jeñildetu üşin wyımdastırıldı. Kezdesuden keyingi mälimdemelerge qarğanda Taraptar bwl maqsattarına jetkeni bayqaladı.
Eñ keminde Mäskeu men Uaşington bir-birine elşilerdi qayta jiberetin boldı. Esteriñizde bolsa, jıl basında eki el qatınasınıñ naşarlap ketuine baylanıstı Reseydiñ AQŞ-tağı elşisi Djon Sallivan men Reseydiñ AQŞ-tağı elşisi Anatoliy Antonov öz elderine qaytqan edi, bwl jolı ekeui de keñeytilgen otırıs qwramında bolğan.
Kezdesulerden keyingi baspasöz jinalısında Putin Jozef Baydendi «konstruktivti, bayıptı, täjiribege bay, tisqaqtı jäne saqa sayasatker» dep atağan. Bwğan qosa kezdesudi «sındarlı ötti» dep bağalap, «eşqanday dwşpandıqtıñ joq ekenin» aytqan.
Baspasöz mälimdemesinde Resey prezidentiniñ jetkizgen mälimetterine qarağanda, AQŞ pen Resey kiberqauipsizdik pen strategiyalıq twraqtılıq mäselesinde birşama tüsinistik ornatqanın, bwğan qosa eñ iri yadrolıq derjava retinde de Mäskeu men Uaşington arasında qarım-qatınastı saqtau jauapkerşiliginiñ joğarı ekenin jetkizgen.
Eki liderdiñ baspasözge ayta bermeytin tereñ mazmwndardağı birqatar mäselelerdi talqılağanı anqı. Qalay bolmasın, bwl tarihi kezdesu şielenistiñ tereñdey tüsken twsında, derjavalar arasındağı qarım-qatınastardıñ retke keluine az da bolsa ıqpalı boldı.
