Foto: https://cdn24

Euroodaqtıñ twraqtı ökilder komiteti Belarus'ke kezekti märte sankciya engizu turalı şeşimge keldi.

Qara tizimge engen 80-ge juıq Belarus' şeneunikteri men qauipsizdik qızmetkerleriniñ Europadağı şottarı bwğattaldı. Sonımen qatar jeti zañdı twlğanığ europalıq käsipkerlermen baylanıs ornatuına tıyım salındı.

Jaqın arada bwl şeşimdi resmi türde EO Keñesi ministrlik deñgeyinde bekitpek. Europalıq odaq sankciyalarınıñ bwl blogı wzaq uaqıttan beri jalğasıp keledi.23 mamırda Ryanair äue kompaniyasınıñ Grekiyadan Litvağa bara jatqan FR497 reysi kenetten bağıtın özgertip, Minskige qonuğa mäjbür bolğan. Osı jağdaydan keyin Euroodaq pen AQŞ sankciya engizdi. Belarus' biligi arnayı äskeri wşaq jiberip, reyste bomba boluı mümkin dep Ryanair wşağın Minskige bwrğan. Borttan bomba tabılmadı, esesine Belarus' policiyası wşaqta bolğan oppoziciyalıq jurnalist, NEXTA Live Telegram arnasınıñ negizin qalauşılardıñ biri, jurnalist Roman Protaseviçti twtqındadı. Wşaqtı bwruğa Belarus' rejiminiñ basında otırğan Aleksandr Lukaşenkonıñ özi bwyrıq bergen.

Bwl halıqaralıq därejede dau tuğızdı. Batıs elderi Belarus' biliginiñ äreketin ayıptap, jurnalisti bosatudı talap etti. Sonımen qatar Latviya wşaqtarın Belarus' üstimen wşırmaytının mälimdegen. Ukraina prezidenti Vladimir Zelenskiy de ükimetke Belarus'pen äue reysterin toqtatudı jäne bwl eldiñ töbesimen wşaq wşıruğa tıyım saludı tapsırdı.

Ayta keteyik, Roman Protaseviç – «Europanıñ soñğı diktatorı» Aleksandr Lukaşenkoğa qarsı jappay narazalıq şerulerinen habar taratqan NEXTA telegram-arnasınıñ negizin qalauşılardıñ biri. Belarus' biligi bwl arnanı ekstremistik media dep sanaydı. Soñğı kezderi ol «Belarus' golovnogo mozga» telegram-arnasın da jürgizgen. Keyinnen el biligi Protaseviçke halıqaralıq izdeu jariyalap, onı «terrorister tizimine» qosqan. Ol birneşe jıl bwrın qauipsizdik maqsatında Belarus'ten ketip qalğan.

"The Qazaq Times"