Almatıda elektrosamokatpen bağdarşamnan ötip bara jatqan er adam. Foto: Tengrinews.kz

Qazaqstanda elektrosamokatpen jüruge şekteu qoyıluı mümkin. Bwl turalı bügin, 11 mausımda halıqqa esep beru jiınında işki ister ministri Erlan Twrğımbaev mälimdedi. 

Ministrdiñ aytuına qarağanda, köşe men trassada elektrosamokatpen jüruge mülde tıyım salınğan.

"Jol qozğalısı turalı zañda samokat siyaqtı kölik qwralı körsetilmegen. Onıñ birneşe sebebi bar. Atalğan kölik qwralınıñ sertifikaciyası joq. Ekinşiden, olar kölik qwralında boluı tiis talaptarğa säykes emes, yağni, döñgelek diametri, toqtatu jüyesi, gabarittik fonar', artqı ayna, qauipsizdik jüyesi joq. Qazir köşe men trassada elektrosamokatpen jüruge mülde tıyım salınğan. Olar jol qozğalısınıñ qatısuşısı bolmağandıqtan olardıñ qozğalısına şekteu qoyıladı" dedi Twrğımbaev.

Onıñ aytuınşa, elektrosamokat paydalanuğa qatıstı zañnamağa özgerister engizilui mümkin.

"Qazir velosiped joldarı men trotuarlarğa qatıstı mäsele qaralıp jatır, sebebi samokattardıñ jıldamdığı sağatına 20 şaqırımdı qwraydı. Keybir elderde şekteu engizilgen. Wlıbritaniyada jekelegen aumaqtan basqa jerlerde samokattardı paydalanuğa tıyım salınğan. Europanıñ özge elderinde de jıldamdıq rejimine baylanıstı şekteu engizilip jatır. Bizde bwl mäsele rettelmegen. Qazir barlıq müddeli organ qızmetkerlerinen qwralğan jwmıs tobı qwrıldı. Meniñ oyımşa, osı toptıñ şeşimine qaray zañnamağa özgerister engiziledi dep oylaymın" dedi ol.

"The Qazaq Times"