Şığıs Qıtay teñizinde Japon, Francuz, AQŞ teñiz küşteri jattığu ötkizude. Foto: Reyter.

Japoniyanıñ oñtüstigindegi şağın araldardı qamtığan jattığu aymağında japon, amerikalıq jäne francuz jauıngerleri birlesken jattığuın ötkizude. Senbide jattığu eñ qarqındı türde ötti. Üş eldiñ birlesken jattığuı Japoniyanıñ alıs araldarın jau küşteri basıp alu qaterine qarsı küres mümkindigin arttıru maqsatında ötkizilude.

Üş iri eldiñ ortaq jattığu ötkizuine Qıtaydıñ aymaqtağı äskeri belsendiligi sebep bolğanın bwğan deyin de aytqan edik. Quattı teñiz küşterine ie bola bastağan Qıtay Halıq-azattıq armiyası Şığıs jäne Oñüstik qıtay teñizine şektesetin elderdiñ qauipsizdigi men wlttıq müddesine qater töndirude.

Senbi küni üş eldiñ onnan astam kemesi qatısıp jatqan jattığuğa qosıldı. Bwl Şığıs Qıtay teñizindegi birlesken jattığudıñ sipatı men salmağın tipti de salmaqtı ete tüsti. Sarapşılar atalğan jattığu öz kezeginde Qıtaydıñ aymaqtağı ıqtimal qaterine qarsı tosqauıl sanalğanımen, bwl Tayuan men Qıtaydı qamtığan öñirdegi şielenisti tipti de arttıra tüskenin aytuda.

Qıtaydıñ äskeri qateriniñ arta tüsui Japoniya üşin bir esepte qauipti bolğanımen, endi bir jağınan 100 jıldıq şekteui bar äskeri quatın arttırıp aluğa oray tudırdı. Qıtay qaterine alğa tarta otırıp Japoniya öziniñ äskeri küşterin keñeytudi közdep otır. Tipti, bwl Japoniyağa Farnciya, Britaniya sekildi batıstıq teñiz derjavalarımen su üsti soğıstarında täjiribe almasuğa da ülken mümkindik berdi.

Ekinşi düniejüzilik soğısında tize bügip, jaña şarttarğa qol qoyğan Japoniya özin qorğau küşterine ğana ie el retinde sanaldı. Tipti, özin qorğau küşteriniñ de qarulı küş qoldanuına şekteu qoyatın jaña Konstituciya qabıldandı. Degenmen, soñğı jıldarı Japoniya äskeri quatı men byudjetin jıl sayın arttırıp keledi.

“The Qazaq Times”