Gruziyada qaytıs bolğan qazaq qızı Ä.Aytpaeva. Foto: Aşıq derekköz

Gruziyada qaytıs bolğan qazaqstandıq Äsel Aytpaevanıñ ölimine küdikti retine onıñ jezdesi Mwrat Meyirbekov wstalıp, Astanadağı tergeu izolyatorına qamaldı. Bwl aqparattı keşe, 16 mamırda işki ister ministrligine tiesili polisia.kz saytı habarladı.

"Nwr-Swltan qalası policiya departamenti Gruziyada qaytıs bolğan Qazaqstan azamatı A.Aytpaevanıñ ata-anasınıñ M.Meyrbekovke qatıstı şara qabıldau turalı arızınıñ negizinde Qılmıstıq kodestiñ 128-babı (Adam saudası) boyınşa  sotqa deyingi tergep-tekserudi bastadı.  Auır qılmıs jasadı dep küdikke ilingen M.Meyrbekov wstalıp, Nwr-Swltan qalası policiya departamentiniñ uaqıtşa wstau izolyatorına qamaldı" delingen sayt taratqan habarlamada.

Äsel Aytpaeva 5 mamır tünde Gruziya astanası Tbiliside  qaytıs bolğan. Onıñ mäyitin köpqabattı üydiñ mañınan tapqan. Gruziya tergeuşileri qızdıñ zorlanğanın mälimdegen. Tbilisi policiyası küdikti retinde Gruziyanıñ 57 jastağı azamatı Besik Torduanı qamauğa alğanı habarlağan. Oğan "adam zorladı" jäne "suicidke jetkizdi" degen ayıp tağıldı.

Gruziya bas prokuraturası Mwrat Meyirbekovke de sırttay ayıp taqqan. Prokuraturanıñ dereginşe, Tordua qızdı zorlağan, keyin Aytpaeva segizinşi qabattıñ balkonınan sekirip ketken.

"Azattıqtıñ Gruzin qızmeti Torduanıñ tergeuiniñ köşirmesin ala alğan. Ol tergeude qazaqstandıq seriktesimen säuirdiñ basında "Qaztransavto" kompaniyasın qwrğanın, al Äsel Aytpaeva jezdesi Meyirbekovtiñ şaqıruımen 27 säuirde kelgenin aytadı. Torduanıñ tüsindiruinşe, Aytpaeva basında Meyirbekovpen twrğan, keyin Aytpaeva oğan Meyirbekov özin eki ret zorlağanın aytqan. Torduanıñ sözinşe, "Meyirbekov tiisken soñ" Aytpaeva onıñ üyine twruğa kelgen. Tordua 4 mamırda Aytpaevamen kelisim boyınşa jınıstıq qatınasqa tüskenin, keyin özi duşqa ketkende Aytpaeva üyde bolmağanın aytqan" dep jazdı Azattıq radiosı.

"The Qazaq Times"