Ğani men Blinken kezdesti. Foto; Associated Press.

Europada jürgen AQŞ memlekettik hatşısı Antoni Blinken kütpegen jerden wşağınıñ basın Kabulğa bwrdı. Ol Baydenniñ soñğı şeşimderin tüsindiru üşin jäne auğan jerinen äsker şığarudıñ dayındığın talqılau maqsatında Auğanstan prezidenti Aşraf Ğanimen jäne özge de el basşılarımen kezdespek.

Birer kün bwrın ğana Aq üy basşısı Jou Bayden Auğanstandağı amerikalıq jauıngerlerdi 11 qırküyekke deyin elge qaytarıp, Auğanstandağı soğıstıñ 20 jıldığında tolıqtay eldegi äskeri operaciyalardı ayaqtau turalı şeşimin jariya etken edi. Bwdan 20 jıl bwrınğı N'yu-Yorkte bolğan 11 qırküyek oqiğasınan keyin, AQŞ äskeri Auğanstanğa kirgen edi. Sodan beri Auğanstannan amerikalıq sarbazdar ketken emes, tipti eñ köp kezinde AQŞ-tıñ 100 mıñ jaungeri auğan jerinde twrğan bolatın.

Associated Press aqparat agenttiginiñ habarına qarağanda, Blinken Auğanstanğa AQŞ äskeriniñ şeginuin özderi qoldap kelgen Kabul biligine tüsindiru üşin bardı. Ol kezdesulerde AQŞ äskeriniñ elden ketkenimen eki ükimet arasındağı qorğanıs ıntımaqtastığı toqtap qalmaytının jete tüsindirmek. «Bwl sapar Amerika Qwrama Ştattarı men osı bir Islam Respublikası jäne auğan halqı arasındağı ıntımaqtastıqtıñ nätijeli bolğanın tüsindiredi dep senemin», – depti Blinken prezident Ğanimen kezdesken kezde. Ol sonday-aq, «seriktestiktiñ özgergenin», alayda bwl qarım-qatınas äli de wzaq uaqıtqa sozıla beretinin jetkizgen.

Sondağı Aşraf Ğanidiñ aytqan sözi: «Biz bwl şeşimderiñizdi qwrmetteymiz, bwl äueli bizdiñ tärtipti retteydi», –  degen.

Kabulğa wşudan bwrın AQŞ mem. hatşısı men qorğanıs ministri NATO bas hatşısı jäne özge de jetekşilerimen kezdesken. Olar Auğanstan isi boyınşa äreketterin üylestiruge kelisken. Sonday-aq, Auğanstandağı 20 jıldıq soğısqa bağa bergen, aytalıq, Auğanstanda Bin Ladenniñ terrorlıq wyımın joyıp, tälipterdi bilikten qwlatıp, eldegi terroristik toptardı tazarttıq degen. Alayda, qazir elde terrorlıq toptar qayta köbeydi, tälipterdiñ bilik auqımı eldiñ basım aumağına keñeyip ketti.

Qazir Auğanstanda on mıñnan astam şeteldik küşter bar. Onıñ 7 mıñnan astamı NATO-nıñ, 2500-i AQŞ äskeri. Bwdan tıs BWW-nıñ qauipsizdik küşteri de bar. Uaşingtonnıñ şeşiminen keyin NATO da birden mälimdeme jasap, auğan jerindegi äskerlerin tayau birneşe ayda keri alıp ketetinin aytqan.

“The Qazaq Times”