Merkel' men Bayden Putinniñ äreketin talqıladı. foto: Anadolı.

Aq üydiñ resmi mälimdemesine qarağanda Jo Bayden Germaniya kancleri Angela Merkel'ge qoñırau şalıp, Ukraina-Resey arasındağı qauipti talqılağan.

Germaniya men Qwrama Ştattardıñ jetekşileri Reseydiñ Qırım men Ukrainanıñ şığıs şekaralarıda äskerlerimen qatar äskeri tehnikaların toptastırıp jatqanına alañdauşılıq bildirgen. Söylesu barısında Bayden men Merkel' hanım Ukrainanıñ twtastığın, qauipsizdigin qorğauğa küş saluğa tağı bir ret söz pisirgen.

Resmi mälimdemede, eki el basşıları Resey taqırıbınan tıs indetke qarsı küres jäne densaulıq saqtau salasınıñ jahandıq damuı turalı da äñgime örbitken.

Germaniya Qwrama Ştattar men NATO küşterine Şığıs Europa men twtas transatlantikalıq qauipsizdik wyımına müşe elderdiñ qauipsizdigin qorğauğa qoldau körsetetinin, soğan qosa Uaşingtonnıñ Auğanstannan äsker şegindiru şeşimine de oñ közimen qaraytının aytıptı.

“The Qazaq Times”